بـرغـم قـسـوة الـحيـاة إلا أنها أشد رحمة من قلـوب البشـر لأنها بقدر ما تؤلمنا تعلمنا لكــن تلــك القلوب ألمها قـــد ينــزع منـا الحــيــاة
-- دخلت بداخل البيت واني متفاجأة من كبره واثاثـة اللي اشبه بأثاث الملوك دخلت بخطوات بطيئة واني اردد بداخل نفسي واگــول
-- هنا راح اعيش واكمل باقي حياتي من هاي اللحظة لازم انسى كل اللي عشته يا ترى شنو راح اشوف هنا معقولة راح اشوف مثل الشفته بهذاك المكان لو راح اشوف الاسوء ؟
زين راح اعيش مثل الدلال اللي عشته بيت أهلي مثل دلال أمي وأبـوي ولو لا يا ترى راح يوفي بالوعود اللي جان يسردها الي لليل نهار لو كل شي راح يتبخر من بعد اللي سويته وياه معقولة راح اشوف وجهه الثاني اللي جان يهددني بيه من جنت اعترض على اوامره
عيوني تروح وترجع على المكان وگلبي دگاته عبرت الالف من الخوف .. اللي مخوفني شلون راح يصير أسلوبة وياي شلون راح تكون ومعاملته الي من بعد ما انفرد بيه بمكان خالي من الناس يا ترى شلون اعيش وشلون اكمل وياه من بعد ما فضحته گدام الكل وانجبر يعترف بيه شلون راح ينتقم مني وشلون ايام راح اعيش هنا راح ابقى اردد شلون وشلون وشلون الى ان احصل جواب علي كل مخاوفي ،، حطيت ايدي على گلبي وغمضت عيوني قوي الرب يحميني ويخلصني من عنده بـ أقرب وقت مثل ما خلصني من هذاك المكان
فزز صفنتي صوت الباب وهو ينقفل درت وجهي عليه جان يقفل بالباب بحركة سريعة وهو يباوعلي بحقد تقدم على الشباك نزل الستارة ورجع تقدم عليـة وبدأ يهمس قريب من مسامعي
-- اي عيني ست گلتيلي ما عجبتج الغرفة الصغيرة و ما حبه ديكورها وتفاصيلها هاج باعي شلون جبتج بهذا القصر باعي بعيونج هاي الحلو وشوفي المكان شگد چبير .. شفتي مو اي اكيد شفتي
هسه سمعيني زين وحفظي كلامي عدل وهذا وعد بكل زاوية بهذا المكان راح اخليلج ذكرى وين ما ادورين وجهج راح تذكريني هنا و فوگ و على الدرج و بالمطبخ و بالحمام اذا ما ربيتج من جديد وعلمتج شلون توگفين بوجهي وتفضحيني ما اسمه (....) بسيطه مو من عيوني
-- مو قصدي احجي شيء انتَ تعرفني كلش زين مو قصدي افضح الموضوع لا تأذيني الرب يحميك
-- والرب اللي تحلفين بيه إذا ما طلعت حليب امج من خشمج وخليتج بكل ثانيـة تصيحين التوبه وأستغفر الله والرب اللي تحلفين بيه اذا ما خليتج تشاهدين بكل دقيقة هذا شاربي مو عليــة
يتبع....
مساء المحبه عليكم جميعاً ❤️❤️ باقي مشاهد الروايــة تلگونها بداخل الفيديو اما عن موعد النشر راح يـكون يوم 6/1 ما تعرفون شگد مشتاقة الكم والتوقعاتكم الحلوة
يـاســة 🌿
المشاهد
غلاف الروايــة
Oops! This image does not follow our content guidelines. To continue publishing, please remove it or upload a different image.
