مـأوى الـزهـور

تكمله الجزء الاخير

مـــأوى الـــزهور 🥀
النهايــة ❤️

إني الخلصت عمري البدايات
وعايش على الصفحات الجديدة
عشت وحدي وعرفت الناس شتريد
أارخ كل جرح بيه بقصيـدة
خايف مختنك تعبان محتار
منهنك منتهك مثل الطريده
إني الكبرت وجهي المعانات
قلق متردد بكل شي اليريده
كافي وخل اعيش اليوم لليوم
بعد ما اريد افكر للبعيدة

...................................

إمتنان :- دخل مثاب شايل شهم كل ضني حلم كل ضني جاي اتخيل فزيت بـ الم ما اگدر وضعي جداً صعب غمضت و فتحت اكثر من مره اريد استوعب اذا حلم او حقيقة تقرب من عندي وشهم بـ ايده

نزله قريب من عندي سحبته عليه وحظنته قوي و صوت بچيتي وصل الباب المستشفى لا هميت العملية ولا هميت للأجهزة اللي تارسه جسمي ولا فكرت بشي ثاني غير ابني بحظني وجاي اشم بيه و ابوس بيه وهذا هو

سحبه من عندي بهدوء و شاله و گعد على اركبه و رجع سحب ايدي باسها و عيونه حمر دم و همس بصوت تعبان

مثاب :- وحق الزهراء وابوها يا أمتنان بعد ما اعيدها اتووووبه و أستغفر الله أذا غلطت بحقج لو تجاوزت عليج بس بعد لا تسوين بنفسج هيج لج صار اسبوع افتر من مكان المكان ادور حجز وماكو صار اسبوع نوم ما نايم گعده ما گاعد لج دمرتيني وعلي دمرتيني ، غلطت بحقج هواي و هذا كله خاطر تردين خاطر تفكرين صح بس بعد حتى ما اعيدها التوبه والله لا تعوفيني وترحين لا تفجعيني بيه والله عبالي راح تموتين  كلت ماتت وبعد ما لحگت عليها من سافرتي لليوم اني متبهذل و ندمان
و عرفت اني بدونج لا شي و هسه وبعد وللموت اگول اني بدونج لا شي وشگد ما قسيت عليج بالكلام شگد ما ندمت
و عضيت اصابعي ندم 

إمتنان :- شگد ما حبيتك كسرتني شگد ما أمنت بيك خذلتني ردتك سند الي ردت أمان
و ظهر أحتمي بيه ردتك اخ وصديق واب وعم وخال و حبيبي قبل لا اريدك زوج مثاب حبيتك اكثر من نفسي ليش هيج ليش صح غلطت بحقك بس ما استاهل كل هاي القسوة شلون انسى عاراتك و كلامك وياي
و نظرتك عني تدري الظرب اهون لان كم يوم ويروح اثره وينسي بس الكلام ينبت بنص الروح مثل السهم وجرح الروح ما يشفى للأبد

-- حقج عليه غلطه وصارت وشنو تردين هسه اسوي بس سامحيني

-- ما اريد منك شي غير بس تعوفلي شهم ولا تحرمني من عنده كل شي ما اريد من عندك غير شهم

-- بس گومي بسلامة و شهم منتظرج ما يروح المكان

رجعت اخذته من عنده و اشم بيه وضامته على گلبي يا بعد گلبي يا حبيبي اخ يابة و گفي عليك و ربي و گف گلبي فراگك

و سبحان الله من بعد شوفت شهم ثاني يوم طلعوني من العناية ونقلوني للغرفه بقيت بالمستشفى يومين ثانيات شهم يمي و ريان يمي و هذا كلش كافي يرجعلي صحتي
و يگومني الحيلي