مـأوى الـزهـور

حلقه (34)

مــأوى الــزهــور 🥀
بقـلـم يــاســة الحلقة (34)

  يا ليـــت المشـاعــر ترى
ليعرف كل ذي حـق حقــه

.......................................

إمتنان :- من گال تتزوجيني جنت منزله رجل من السيارة والرجل الثانية بعدهي بداخل السيارة رجعت رجلي النازله بداخل السيارة  و باوعتله من المراية متفاجأة كلامـة و هو بعده عيوني عليه ومركز بوجهي اول شي عبالي يتشاقه بس من شفت نظراته وثبابته عرفته يحچي جد رديت عليه بــ استغراب

-- شنو ؟

مثاب :- تزوجيني على سنه الله ورسوله

-- اشو انتَ ما تستحي

دار وجهه عليه وأبتسم ورد

-- ليش ما أستحي شمسوي شنو حجيت شي غلط

-- اكيد غلط شنو شفت عليه وهيج تحچي وياي

-- هههه هاي تحچين صدك لو ناصبه عليه يابة والله اني نيتي سليمة وجاي اخطبج بكل أحترام بعد وين الغلط بعد

-- وجهك بعد ما اريد اشوفه فهمت لو لا

حچيت هيج ونزلت من السيارة سريع هو نزل اسرع مني وگف مقابيل الباب مانعني ادخل وگال

-- بس دقيقة نتفاهم

-- نتفاهم على شنو

-- اني رجال عزابي و اريد ازوج واستقر و ماكو احسن منج للزواج بعد وين المشكلة

-- شوف اني مو مثل البنات التعرفهم ولا الي خلك سوالفك هاي التعبانة احترم نفسك وروح العب بعيد عني

-- ههههه هاي شبيج شنو اول مره تنخطبين بحياتج شحال لو ما ابنج بطولج ليش محسستني طالبج بالحرام

-- تمام هسه طالبني للزواج مو

-- اي

-- واني ما موافقه يلا بعد روح منا الله وياك

-- فكري بالموضوع لا تستعجلين

عفته ودخلت للبيت احس اديه ترجف وريان بيدي شايلته نزلته بالطرمة و بقى يمشي گدامي واني اعصابي احسها تفور شگد ما يستحي الله يعلم شنو اللي جاي يخطط اله و هيج خطب عزا هذا خبل يمكن ما اعرف شنو موضوعه وين يعرفني وين شايفني وجاي يخطب من كل عقله

صعدت فوك بدلت ملابسي واني الف فكرة وفكرة اجت بالي ما اعرف على يا موضوع اصفن منا مصطفى ومنا هذا ومنا قاسم  لو يطلعون كلهم سوى لو اشوف الضيم وحدي انوب كلها بصفحه وقاسم بصفحه يفجرني اذا سمع كلمه وحده هههه يربي هم يضحك وهم يبچي

زين هسه هذا المستفز عادي عندي و طردته
و رديته وخلصت منه  بس مصطفى شلون وياه لا اگـدر احچي وياه شي غلط ولا اگدر ازعل منه وابتعد

بيومها اخذت السكته لا احچي ولا اعلق ولا عبالك موجودة احس عقلي ما يستوعب شي باقيه ضايعه
لليل من اجيت انام لگيت جايتني رسالـه من حساب مثاب گاتب بيها