مـأوى الـزهـور

حلقـة ( 19)

مـأوى الـزهـور🥀
بقلـم يــاســة حلـقـة (19)

الطيبـة باب بلا قفل الأهل الگلوب الغشمـه
والله ما اسامـح بعد الأذاني يوم بلا سبب
مشـكول گلبــه بـذمــة

.................................................

إمتنان :- تتشاقـى اكيـد

مصطفى :- ابدًا ما متشاقي

-- مستحيل مصطفى شلون هيج عفيه اذا جاي تتشاقى وياي اني مو مال هيج شقـى

-- ههههه والله ما متشاقي كملت كل شيء باجر بس تروحين توقعين

-- وشلون هيج صار ما فهمت

-- اشترينا حصتهم

-- منو اشتراها مدا افهم

-- طليقج وأخو

-- قاسم ؟؟؟

-- ومهيب

-- صدُگ عود

-- اي

-- وشنو المناسبـة

-- شوفي طليقج گال هذا البيت راح اشتري الريان حسب كلامـة  هذا ضمان المستقبله وبما انُ ريان صغير وكلج عليه يعني يعتبر البيت بيتج وانتِ حره بالتصرف بيه وبنفس الوقت انتِ الج حصة بالبيت گال اذا تردين تبيعينها يشتريها منج حتى البيت كله يصير بــ اسم ريان واذا تتنزلين الريـان بعد انتِ حرة بالاختيار

-- اكيد لا

-- شنو الااا

-- ما اريد من عنده شيء

سكت شويـة وراها گال

-- طبعًا يعرفج كلش زين وگال اذا عرفت اني مشتريه ما تقبل والهذا السبب اني ما مشترية الها هذا ضمان الابني

-- مصطفى رجعله الفلوس ما اريد البيت اصلاً

-- وهذا اكبر غلط ممكن تغلطي بحياتج فكري عدل إمتنان انتِ ما عندج احد يعينج ولا عندج شغل ولا عندج شهادة ترتبين بيها مستقبلج وفوگاها عندج طفل برگبتج يعني تبقين هيج ؟
اذا بقيتـي بهذا التفكير بعد ميـة سنه ما تگدرين تشترين بيت

-- عسى ما ابقى بالشارع مستحيل اقبل بهذا الكلام من كل عقلك اوافق على هذا الشيء وقاسم يصير صاحب فضل عليج

-- محد صاحب فضل عليج هذا ضمان الابنه وغصبًا ما عليه يوفرله حياة كريمة باعي اني صح
ما احبهم هاي العائله بس أمانة الله يفكرون بـ ريان وبمستقبله وگعدته هنا بـبيت ابو جوزيف على اعصابهم وخصوصًا ابو رغم كل السيئات وكل العدوانية اللي شايلها بس يحب ريان بشكل مو طبيعي ويفكر بيه وهذا الشيء لاحظته من خلال لقائي بيه

-- شوكت التقيتوا

-- ههههه صح ما جان لقاء لطيف وهددني هواي و حجى كلام اكبر من راسه بس بالاخير الهدوء والحكمة و العقل السليم انتصروا على الهوبزه والعضلات الفارغـة