مـأوى الـزهـور

حلقـة (26)

مــأوى الــزهــور 🥀
بقــلــم يــاســة الحلقة (26)

وأنتَ الذي جئت مختلفاً
لست صديقاً ولا حبيباً ولكنك حياة

......................................

مثـاب :- منو ؟

إمتنان :- انـي إمتنان

-- اهلاً وسهلاً أمر خدمـة

-- الموضوع مو مال رسائل ضروري اتصل عليك واحچي وياك صوت

-- والله عاد انـي مرتبط

صفنت بالرسائل هذا حجي صدك لو ناصب عليه رجع دزلي من جديد

-- بس اذا حابتني عادي ارتبط بيج ميخالف لا تضوجين

-- هاي شـدا تحجي انتَ وشعليه بيك مرتبط ما مرتب اخي الموضوع يخص والدتك وضروري نحچي

بس قرأها بسرعـه اتصل رديت

مثـاب :- شنو الموضوع شبيها امي وانتِ منو

إمتنان :- والدتك كلش تعبانـه وحالتها الصحيه جاي تتراجع يوم بعد اترجاك اذا اكو بگلبك رحمة تحچي وياها لو وي اخوك يرجعها للبيت لان راح تروح وما اعرف شـ أسويلها

-- بس فهميني وحده وحده شبيها امي واخوي شبيه ما جاي افهم عليج والله

-- اخوك شمر امك بالشارع لان مرته متريدها واني عندي دار مسنين جبتها يمي بالدار وصار تقريبًا فوگ العشر ايام حالتها من سيء الى اسوء
حجيت وياه وتوسلت بيه بس حتى يرجعها ما يقبل والحجيه فد مره تعبانه

لحظه صمت من عنده ماكو اي صوت حتى صوت النفس احسه انقطع رجعت اگول الو الو محد يرد
قطعت الاتصال من عنده واگول هذا اخر امل لازمـه الموبايل وعيوني على الطريق لحد ما وصلت للبيت ما حچيت للحجيه ما ردت أأملها اشو قفل وبعد ما رد عليه يجوز يعرف بالموضوع يجوز ما يگدر يسوي شيء خطيه ليش أأملها ساعتين تقريبًا واجتني رساله وراها صوت اتصال شلت الجهاز هذا دا يتصل من حسابـه بدون تردد جاوبت

إمتنان :- الو

مثاب :- فدوة رحتلج خيتي بس طمنيني امي زينه لو لا

-- لا والله مو زينه صحتها تعبانه

-- صار شگد من اجت يمج وشلون هيج صار

-- حسب كلام اخوك يگول مرتي تأذيها واني ما اگدر عليها افضل الها تطلع من البيت وطرد امك بالشارع واني جبتها يمي

سكت ما سمعت صوته بس نفس سريع بقى دقيقه ما يحچي ساكت وبس وصوت نفسه عبالك واحد يبچي وراها گال وهو مخنوگ

-- اگـدر احچي وياها

-- اي اكيد بس بالاول اشوفها يجوز نايمة

-- ماشي منتظرج

قفلته من عنده ونزلت دخلت الغرفتها بس شافتني ابتسمت بتعب وگالت