مـأوى الـزهـور

حلقه (38)

مــأوى الــزهــور🥀
بقــلــم يــاســة الحلقة (38)

التعب بعيوني ومبين إذا اغمض
اريـد ارتــاح بــس ما انــام
اول حرب للتعبان يستخدم النوم أسلاح

........................................

فتحت عيوني راسي يأذيني و حلگي ناشف ركزت بالمكان غرفه عادية ما بيها اي اثاث بس فراش بالگاع مفروش نايمة عليه درت وجهي للجهه الثانية شفت مثاب واگف يصلي رجعت غمضت بتعب جسمي يرجف ما اعرف شبيه والعبان نفس لحد هسه عندي ، خلص صلاته واجـى يمي

مثاب :- شلون صرتي

إمتنان :- ما اعرف شبيه جسمي دايرجف ودايخه ولعبانه نفسي فد مره

-- من السهر والتعب والخوف بس تهون

-- شوكت تهون

-- منا ورايح كل شي يهون

-- حچيت وياه اعمامك

-- لا بعدني ما حاجي لان تخربطتي وصاحوني تگدرين تگعدين

حچى هيج ومد ايده الي لزمت ايده سحبني گعدني سندت ظهري على الحايط و رجليه مددتهم ومتغطه بالغطاء وهو گاعد قريب من عندي

مثاب :- من يا عشيرة ابو ريان

إمتنان :- (....)

-- شگد عنده اخوان و علاقته بـ اعمامه شلونها

-- عنده اثنين مهيب الكبير وحيان الاصغر ما اعرف طبيعة العلاقة بينهم وبين اعمامهم بس مبينه طيبه وعدهم واحد من اعمامهم ينطيهم شبيه و شكلهم كلش يحترمونه اني ما شايفته من قبل شفته بزواج مرح

-- شعجب ما تعرفين اعمامهم حسب ما عرفت اكثر من سنه مستمر زواجكم

-- ما جنت اشوف احد ولا احد يشوفني تگدر تگول حابسني بالبيت ما اشوف غيرة

-- سهلــة

اندك الباب گام فتحه اسمع ابنيه تحچي وياه تگول هذا العصير بيبي دزته يعدل ضغطها
اخذه من عدها ورجع عليه

مثاب :- جدتي دزتلج نومي بصرة و انتِ اصلاً عندج هبوط ههههه

أمتنان :- عفيه هاي شگد عندكم اطفال وشگد نسوان شلون عايشين كلهم بهذا البيت وين يكفي

-- هههه لا ما عايشين سوى بس لان سمعوا اجيت وجبت مرتي اجوا يشوفون العروس بيوتهم واحد بصف واحد المنطقه تگدرين تگولين كلها النا

-- الرب يحفظكم

-- تشربين عصير

-- لا ما اريد

-- لعد نامي ساعه حتى تعيدين نشاطج ويرتاح راسج واني راح اطلع برى يمهم

طفى الضوء وطلع وسد الباب واني ما صدگت لگيت مخده وفراش تمددت وغمضت عيوني ثواني بس و رحت عبالك بغيبوبة ما گعدت غير على صوت الحجيه تصيح بصوت عالي