مـأوى الـزهـور

♥️

مساء المحبه عليكم جميعاً حبايب قلبي ♥️😘وجمعــه مباركـــة علينا وعليـكم ♥️😊

عندي عتب عليكم  ويگولون العتب على گد المحبـه 😥

كلش زين تعرفون بيه مريضـه والدكتور مانع عني التليفون وعندي ظروف عائليه الله وحده يعلم بيها ومع هذا مستمره وياكم وما عايفتكم و جاي اضغط على نفسي واكتب وانزل الخاطركم  وبالمقابل انتوا حتى تصويت متصوتون يعنـي حتى حق تعبي مجاي تنطونه

مرات اشوف تعليقات يگولون بيها ليش الكاتب يريد تفاعل وليش يريد تصويت وين كاتبات قبل وين كاتبات هسه يدورون تصويت وتفاعل  واذا شفنا كاتبة گالت صوتوا وعلقوا ما نتابع قصتها زين ياعيني سؤال شلون الكاتب يعرف كتابتـه وصلت واخذت استحقاقها والناس حبتها وهو ماشي صح غير من خلال التعليقات والتصويت وترشيحها على الباقين والتفاعل عليها زين اذا تقرون بصمت الكاتب شنو يستفاد غير التعب   ..

يعني انسان عنده بيت وعائله ومسؤوليات ويگعد يكتب ساعات طويلة غير كون القارئ يقدر هذه الساعات وينطي للكاتب حقـه بكلمه حلوة بتشجيع حلو حتى يزيد حماسـة و يعرف نفسه هو ماشي صح بالسرد وبالاحداث

إذا انتوا ساكتين لا تعليق لا تصويت و لا ترشحونها للباقين  تابعون بصمت زين شلون والواحد يستمر بالكتابة ومحد يشجعه ويقدر تعبه

بصراحـه اني صار فتره كلش تعبانه نفسيتي بسب التسقيط والكلام اللي ينزل عليه واشكال جاي توصلني سكرينات بكلام سوء عني وباقيـه ساكته وما ارد ولا انشر الكلام ولا اعاتب احد ليش لان اكـو رب هو حسبي وهو  وكيلي بكل انسان يظرني بكل كلمه سوء تنگال بحقي  بظهر الغيب  واني لا متقربه عليه ولا مأذيته وبنفس الوقت ما ارد ولا انزل نفسي المستوى لان اخلاقي وتربيتي
ما تسمحلي ارد على الجاهل والمنافق
قبل جنت اعوفه يشوف ويمتع عيونه بشوفتي هسه گمت احظر واكتفي شره وشر نفاقـه

عجيب الانسان ياكل لحم اخوه المسلم بدون خوف من الله والعجيب هذا المسلم لا حاجي عليه ولا متقرب منه ولا حتى يعرفه وهاي گدام ربي اولاً وگدامكم ثانياً اي بشر يحچي بظهري إذا جانت كلمه او حرف الله لا يسامحه ومشكولة ذمته اليوم يبعثون

وهم گولوا ياسة تتحسب اي اتحسب لان اني ما مأذيتكم ولا حاجيه عليكم  ولا حتى اعرفكم ليش هذا الكلام عليه وحده مسميتني كرفسة وحده مسميتني فجلة وحده مسميتني الكاتبة ام اللبسان شنو وزعت عليجن لبسان وما ادري بنفسي وحده مسميتني الكاتبة ام الجلاب الله لا ينعم عليكم ولا يسامحكم

إذا عدكم مشاكل شخصية  ويا الأدمن  مالتي اني شنو ذنبي تتجاوزن عليه وتغلطن عليه ام ابو خال عم الادمن شعليه بيهن كل انسان و مشاكلة وصراعاته وحبايبه واهله وناسه لا ماخذتهم حكر ولا مسؤوله منهم ولا مسؤوله من تصرفاتهم صح ادمن بكروبي وصديقات الي بس ما مسؤوله عنهن  ولا عن  مشاكلجن وياهن واني اعرف كلش زين المشكلة مو يا الادمن و كل ما في الامر لگيتوا الادمن حجه حتى تتصيدون بالماء العكر وتلزمون عليه شي وتضلون تسقطوني بيه من خلالهم

(إن الله يعاقب عقاباً شديد من ضـرّ أنسان
ولو بشق كلمـة .. وما بيني وبين عبدي أغفره وما بين عبدي والأخر لا أغفره حتى يغفر أحدهما)

و اني ما أغفر ولا اسامح ولا ابري ذمه اي انسان جاب سيرتي وذكرني بسوء و لو بينه وبين الجنـه بس الذنب اللي ذكرني بيه ما اسامحـه ولا اعفي عنه

وانتوا يا حبيباتي متابعاتي الراقيات ارجع مره ثانية واگول الكم مقصرين بحقي لان محد بيكم رشحت ولا ذكرت المأوى و انطت حقها ....

أحتمال سردها ما عجبكم او احداثها ما حبيتوها والهذا السبب راح اتوقف وما انزل اي شي لان تعبتت فد نوب تعبتت  وما جنيت غير بس الشتم والذم والتسقيط والكلام اللي يسم البدن

اكتفي بهذا الحد واحافظ على اديه وعيوني الراحن بدون فائدة واترك النشر لان محد يقدر

وبالختام اعتذر منكم طولت عليكم بالكلام بس حبيت افضفض شوية وياكم وانطيكم خبر بتوقف القصة