مـأوى الـزهـور

حلقـه (59)

مـــأوى الـــزهور 🥀
بقـلـم يــاســة الحلقة (59)

نفـذ صبري على روحي وراح اجويها
واحاسبها واذلها واله انسيهـا
واطلع الها گلب مو اي درب تمشي
و اراويها وجه جناز گاضيـهـا
شفـت نجـم الظهـر حـد ما جبتها لـراگ
اقـل روجـه تجي تردها على ماضيها
ما كضت گلب من وحده من اثنيـن
العتمـه بيا دليل العتـمـه تگضيهـا
( للمرحوم سمير صبيح)

.......................................

إمتنان :- سد الباب برجله وهو حاظني
و رجع سحب وجهي عليه و يبوسني من كل مكان و يرجع يشمني من كل مكان واني دموعي ما بطلت ضميت وجهي بصدرة
شم شعري قوي و رفع راسي عليه وباسني من جبيني لم شعري بـ ادية نصى عليه اكثر وشمني من رگبتي قوي وباسني بيها ويگـول

مثاب :- هسه يلا اتنفست اخ يابة شگد مشتاقلج فدوة رحت العطرج

إمتنان :- هاي صدك انتَ يمي لو جاي احلم ما مصدگه عيوني والله ما مصدگـه

-- بوسيني وانتِ تصدگين

أبتسمت و رفعت رجليه و بسته بشفته
ابتعد و باوع على جهه للبيت ورد

-- ولج مو هالثخن الناس منا زحمه

-- ما موجودين بس اني اهنا

-- بربج

-- اي

-- تتعالي لعد

تقرب عليه اكثر وباسني بوسه طويله لا اني تركته ولا هو تركني لحد ما تعبنا وانطگع نفسنا اثنينه وراها گال بتـعب

-- روحي لبسي وتعاي خلينا نرجع للبيت

باوعتله خايفه وحايرة انتبهلي صافنه عليه ومتوترة بسرعه سألني

-- شنو الموضوع شبيج و ليش انتِ هنا
و ليش خايفه ومتوتره و امي وين ترى بديت اقلق بس لا متزاعله وياها

حچى هيج و أبتسم بلعت ريگي و اخذت نفس طويله احس گلبي راح يطلع من مكانه دخيلك يا الله

وهو باقي يباوعلي ومنتظرني اجاوب ما اعرف شلون هيج فكرت وخطرت على بالي نروح نگعد فد مكان اني وياه و نحچي  براحتنا رديت

إمتنان :- هواي شغلات صايرة ويراد وقت طويل نگعد ونحچي بيهن وحده وحده

-- احچيلي اسمعج شنو الموضوع

-- لااا مو هنا

-- تمام امشي نرجع للبيت واذا اكو سوء فهم ويا امي انحله إمتنان معقوله تزعلين منها

-- لااا ما زعلانه مو هيج مثاب

-- لعد شكوو فهميني يمعودة اعصابي تعبانه مو وقت حزورة احچي الموضوع وفضيها

-- اول ترتاح شي وراها نحچي

-- وين تردين نحچي اذا ما قبلين هنا ولا تقبلين بيتنا