مـأوى الـزهـور

حلقـه (45)

مــأوى الــزهور🥀
بقــلــم يــاســة الحلقة (45)

لا تگلي الگبر والجفن والتابوت
فكرة موتك ما مقتنع بيها
عدل وتضل عدل لو تندفن مرتين
يا محبوب عيني ومي سواچيها

....................................

إمتنان :- عزاا بعينها عزااا وين راحت

مَـرح :- ما اعرف وهسه البيت صاير جهنم
و ابوها متخبل رسمي

-- امها وين عنها من طلعت

-- ما اعرف تگول ما شفتها

-- لج هاي صدگ حرام تتسمى ام

-- موتها قافل عليها الباب يطب ويطلع يكتل بيها

-- تستاهل

-- ما حچتلج من اجت على الولد اسمه عنوانه

-- لا ما حچت

-- حيان جاي يموت هو مهيب لج إمتنان يكسرون الخاطر يا فضيحتهم گدام الناس

-- ما اعرف شگول باعي اتصلي بـ امجد خاف راحت عليهم بس لا تخلين احد يعرف بيج لا يروحون يبلون الولد انوب

-- هسه اشوف بلا

-- تمام عود طمنيني وياج

-- ماشي باي

قفلته و حطيت ايدي على خدي وصفنت
بيها عزا شلون عين گويه وين راحت صخم الله وجهج ليلى وين جنتي عن بنتج حتى اكل ما اكلت انسدت نفسي

انتظرت ريان لحد ما خلص أكل وشلت المواعين غسلتهن و رجعت للصاله مثاب متمدد على القنفه و يتصفح بجهازه

اجيت اخذ ريان اصعده ينام مقبل يصعد بقى يبچي شلته غصب عنه الوقت تأخر وهو باقي گاعد بس شلته نط من البچي

مثاب :- عوفيه ما يريد يصعد

-- الوقت تأخر اريده ينام

-- ما ينعس عوفيه

-- اريد اصعد وبالي يبقى يمه

-- اني اصعده عود روحي انتِ

-- دير بالك عليه عفيه

صعدت وهو بقى يلعب بالصاله يم مثاب
ربع ساعه و سمعتهم صعدوا فتح الباب ودخله ورجع نزل هو نزل وريان تخبل فد نوب يريد يرجع ينزل وياه

المشكله بريان اذا وجعه شي يتنحس و يبقى يتحجج بالطالعه والنازله ويبچي على كل شي واليوم مضروب براسه فـ كل شويه باجي على شي حاولت اسكته ماكو يبچي من كل گلبه وانوب يجر بالضماد بـ ايديه يريد يفتحه شوية ورجع صعد مثاب فتح الباب ودخل

مثاب :- شبيه

-- ما اعرف يمكن راسه يوجعه

اخذه من حظني و باسه ويحچي وياه

-- ليش البچي شبيك

-- بابا روح

مثاب عباله يگله بابا اخذه وطلع بيه ويگول يروح بابا كافي بچي وهذا مستمر على فد عيطه نزله جوى طلعه بالحديقه وهو بعده مستمر يبچي ويردد بابا روح