مــأوى الــزهــور🥀
بقــلــم يــاســة الحلقة (66)
أريدك أن تفهم لقد أحببتك بعيوبك
التي لـو رأيتها في غيرك لكرهته
أحببتك بجميع تفاصيلك الصغيرة قبل الكبيرة حتى بنيت لك في روحي مقاماَ
..........................................
مـرح :- من بعد ما عقدنا عقـد شيخ قررنا
الزواج نهايـة شهر الخامس لان بيتنا يحتاج ترميم رجع هو واهلـه الكربلاء و انـي بقيت
يم إمتنان لا انطيت خبر الاهل حيان ولا افكر انطيهم اصلاً گلت قبل الزواج بيوم يومين يلا
من اول يوم العقد و بدأ أحمد يحچي وياي
و يتصل عليه يسأل علينا اني و زين كل يوم يتصل و يدز رسائل و بين مكالمة و مكالمة يحچيلي عن شغله خاصة بيه مثلاً يضرب مثل او يذكر فد موقف صاير وياه و يگول هيج صار واني ما احب هذا الشي او اني عحبني هذا لو هيج سويت لان احبه وهيج سويت لان عجبني الاسلوب اللي جاي يوصلني بيها كلش حبيته و احترمته يعني لا يحرجني ولا يحرج نفسه و بنفس الوقت يوصلي المعلومات عنه كاملـه
اربع أيام وره العقد و اتصل بيه گـال اريد اجي حتى نرتب عقـد المحكمة بس اول لازم احچي وياج بـ موضوع
مـرح :- تفضل
أحمـد :- تعرفين اني رجال دارس حوزة
و عمامة رسول الله حاطها على راسي ومن اول ما لبستها اخذت عهد على نفسي أصونها و أحترمها و اخاف الله بيها والحمدلله من يوم اللي قررت هذا القرار الهذا اليوم ما غلطت بحقها وبحق نفسي
ولله الحمد و كل الناس اللي هنا يعرفوني شلون ملتزم اخلاقياً و دينياً و الكل هسه عرف بيه عقدت وجاي اتزوج و اكيد من تجين هنا بخير وسلامة تردين تطلعين
و تمشين وهذا الشي من حقج ويعني تطلعين تجهزين احتياجاتج لو تزورين
او ترحين واجب او اي ظرف من الظروف
و من تطلعين منو راح يطلع وياج اكيد اني و هنا اني ما اگـدر اطلع وياج بلبسج هذا العادي يعني اللي اريدج منج تلبسين لبس زينبي من جميع النواحي يعني عباة جواريب جفوف بوشية
مـرح :- شنو ؟؟
-- دقيقة أكمل كلامي بعدين اعترضي عود هو صح صعبة عليج و ما متوقعه الموضوع لان ما حچينا بيه من قبل بس اني اريدج تلبسين هذا اللبس لسباب اول شي النفسج اريدج تبقين جوهرة زينبية فاطمية ملتزمة بــ زيهم واخلاقهم وعفتهم و السبب الثاني اني زوجج يعني اني معروف هنا ما اگدر اطلعج گدام الناس بدون نقاب صح هو مو عيب ولا حرام واني ابداً مو متشدد
لا بالله بس إني رجال غيور على عرضي وحاجتي أحب تبقى بس الي لا احب احد يشوفها ولا احد يتقرب منها وانتِ يا مروحة الحلوة صرتي حاجتي الثمينه و محد يستاهل يشوف عين من عيونج بهاي الذنيا غيري
مرح :- بقيت ساكته و مصدومة ما مستوعبه الكلام هاي اني شلون نسيت هذا الموضوع ليش ما فكرت بيه مو اعرف كلش زين ما دامة معمم راح يلبسني نقاب ليش ما خطر على بالي هذا الموضوع رجع گـال
YOU ARE READING
مـأوى الـزهـور
Random(يا إيها الناس أتقو الله بالنساء اوصيكم بالنساء خيراً) لم يستوصوا بنا خيراً يا رسول الله لقد كسرو القوارير والافئدة
