مـأوى الـزهـور

حلقـة (15)

مـأوى الـزهـور 🥀
بقـلـم يــاســة حلقـة (15)

لا عـلاقـة للأيـــام بالنضــج
نحنُ نكبـر بمرور الناس بحياتنا

..................................

مَرح :- لازمه الورقة واقرأ بيها وگلبي يدگ سريع ونفسي تخربط و عيوني احسهم نطوا من مكانهم
يمـه شنو هذا الكلام شنو هذا الاعتراف يحبني يحبني گلبي يمه گلبي رجعت اقرأ من جديد ما مصدگـة وأخيرًا اعترف واخيرًا .. طبگت الورقـة وضميتها بصدري و رجعت للصف كل شويـة ارفع ايدي احطها على صدري بس اريد أأمن بعدهي موجودة وما وگعت المدرسة تشرح وبالي وگلبي روحي مو وياها رايحـة بغير عالم لحد ما خلص الدوام اني احس روحي خلصت

رجعنا للدار انطيت للبنات غراضهم واني رجعت طلعت الورقة واقرأ بيها احسب دقيقة يجي الليل وينامون حتى افتح التليفون واتصل عليه بيومها اكلت اكل تگول مفجوعـة اكل وبعدني ما شبعانة نفسيتي انفتحت لحد ما صار الليل والكل نام  گمت طلعت التليفون وفتحته جسمي يرجف وگلبي يدگ مثل الدمام بس فتحته ماكو ثواني واتصل هو رفعت الجهاز وخليته على گلبي يمه شگد احبـه هاي شبيه هيج مستخفه المفروض اثگل وما اضعف المفروض ما انطيه مجال حتى لا يگول عليه خفيفة واروح اصغر بعينـه ويروح يستغلني ما ارد عليه خل يولي رجع اتصل مرة ثانيـة هم ما جاوبت وراها اجتني رسالـة

حيان :- حبيبتي

حبيبته يمه محد غيرك حبيبي وحبيب عشيرتي احترگ اخوك قاسم شكد حلو قاسم عزاا العزااني نسيت اخو قاسم بس لا يطلع مثله معقولة يطلع مثله ليش مو معقوله ما هو ( البـ أخو الـ ) اووي شهل الامثال الطايح حظها شبيج مَرح استقري شو گمتِ تمسلتين

إمتنان :- ههههههه هاي هيج جنتِ تحجين ويا نفسج

مَرح :- اي جنت احچي واسب وامدح بيومها احس بنفسي مجنونه إمتنان شعور يجنن يجنن ما اگدر اوصفه

أبتسمت ورديت

إمتنان :- شلون هيج تحبون بسرعة احس الحب شيء عظيم ميصير نجازف هيج مجازفـة ونسلم گلبنا بسهولـة

مَرح :- هو مو بـ إيديج حتى تگعدين تتفلسفين اذا اجى يأخذ گلبج بدون متحسين اصلاً ما ينطيج مجال تفكرين

إمتنان :- الله حبيت

مَرح :- ههههه

-- وبعدين شنو صار رديتِ عليه لو لا

-- لا ما رديت رجعت قفلت الخط من گد ما متوترة والفجر يلا فتحته وبس فتحته رجع اتصل يمكن جانت تجي رسالة من ينفتح خطي هو يدگ وگلبي يدگ وياه اخر شيء بدون ما افكر وغصب عني رديت

حيان :-  صباح الخير

-- صباح النور

-- شلونج

-- زينة

-- ليش متردين الف مكالمة دگيت عليج

-- ما ادري