مـأوى الـزهـور

حلقـه (65)

مـــأوى الـــزهور🥀
بقــلــم يــاســة الحلقة (65)

الـزواج عبارة عن تألف الأرواح
كفاح لرحـلة العمر الطويل
الزوج الحنون يهب المرآة أجنحه تحلق بها في السماء و جئت انتَ حنوناً بشكل مفرط
حتى أمنت و تيقنت بـأن روحي طيبة تستحق الطيب كما ورد في الكتاب الكريم الطيبون للطيبات .. أنتَ المؤدة التي ذكرت و الرحمة التي استبشرت بها ..  أنتَ العوض الذي طرق باب روحي وجاء يعتذر نيابتاً عن السنين 

.........................................

مرح :- كمل كلامه مهيب و باوعلي منتظر من عندي رد ما جاوبت ولا رديت بقيت ساكته و عيوني تحرگني اريد ابچي و ارتاح بس ما اگدر اختنگت فد مره من شافني ساكته بدون جواب رجع گال

مهيب :- اخذي كل وقتج و فكري صح وخلي بالي اي قرار تاخذينا اني وياج اذا جان موافقة فـ اني راح اصير صديقج وسندج واقرب الناس الج واذا رفضة فـ اني راح ابقى عم ابنج و سندج وسنده بكل مكان
و زمان وتبقين بعيوني مثل ما انتِ
و مسؤوليتكم انتِ وابنج تبقى برگبتي طول ما اني عايش

كمل كلامه و گام من مكانه يريد يروح بس قبل لا يطلع گـال

مهيب :- إذا بسببي طلعتي من البيت فـ اني ما موجود بالبيت گومي جيبي ابنج و رجعي هناك هذاك بيتج ومكانج  صعبة تگعدين هنا و اذا ما تردين بيتنا بيتج موجود روحي گعدي بيه انتِ وابنج و اني ادز وحده من البنات تبقى يمج

إمتنان :- ابو فيروز بيتي هو بيتها ما بيني وبينها فرق وانتِ تعرف مرح شنو بالنسبة الي واذا على مثاب فـ مثاب مسافر وهو والشهر يلا يرجع

-- ما اريدها تتبهذل هي وابنها وتبقى حايرة اريدها ترجع مثل قبل حاسبتنا اهلها وبيتنا بيتها ما اريدها تتحسس من عدنا حتى لو رفضت اريدها تبقى مثل قبل احنه اهلها
و اهل ابنها

إمتنان :- الله يحفظكم ما تقصرون وياها
ويا زيون و ان شاءالله لا يجيب الزعل بينكم خليها هاي الايام تبقى يمي و بعدين الله كريم عود

-- على راحتها اني اترخص

-- الله وياك

طلع و اني وصلته للباب و رجعت لگيتها تبچي گعدت يمها وحايرة ما اعرف شنو احچي

إمتنان :- هسه ليش البچي يا عيني الرجال ما جابرج ولا طالب منج شي انطاج حلول والحل المناسب اختاري وهو وياج بكل اختياراتج وما راح يجبرج على شي

-- وانتِ صدگتي يبقى الزواج على الورق إمتنان هذا حچي مستحيل يتنفذ باجر عگبه بعد سنه يجي يطالبني بحقوقه بحجه اني رجال و من حقي وانتِ حلالي لو يسويله حجه و يريد ولد يشيل اسمه ترى مهيب يوعد بدون تنفيذ وانتِ اكثر وحده تعرفينا

-- والله بعد ما اعرف حرت وانتِ لا تستعجلين فكري براحتج واخذي القرار اللي تشوفينه صح و الله يكتبلج الخير وبطلي بچي حبابة