مـأوى الـزهـور

حلقـه (52)

مــأوى الــزهــور 🥀
بقــلــم يــاســة الحلقة (52)

عند مــا بدأت الرياح تمشـي
بما تشتهـي سفنـي
وجـدتك منهمنك في تمزيق الاشرعة

....................................

إمتنان :- بقيت اربع ايام بالمستشفى وخلال هاي الايام بالنهار تجي خاله بهيـة و بالليل تنام يمي خالـه أماني يعني شنو اگـول بحقها وشنو احچي ما اعـرف بحيث كلمة الشكر والإمتنان قليلة بحق هذه المره

ساعدتني هواي و گفت وياي هواي صارتلي سند بوقت اللي جنت محتاجه السند وصارتلي أم بوقت اللي اجتاجيت امي وصديقه بوقت احتاجيت احد اشكيله

ممنونه منها على كل موقف وكل كلمه وكل ضحكة وكل نصيحة وكل طبطبه وحنية
قدمتها الي بدون اي مقابل

كتبلي الدكتور خروج ومن طلعت طلعت بوجهي البيت مثاب ما قبل اروح المكان ثاني و أصـر عليه اروح البيته وهو اللي يداريني

راح جاب ريان و رجع و جيت ريان صارت سهله بدون ما احد يعترض لان قاسم مسافر للعلاج ومتأكدة لو موجود ما جان خلاه يجي البيت مثاب وجان سوالفه مشكلة

عشر ايام اني بـبيته والبيت هذا ولا لحظة حسيته مو بيتي احس بيه امان وحنية
خاله بهيـة ما تتركني دقيقـه وحده وياي بكل حركة تخاف عليه لا تتأذى عملية

مثاب هاي الايام مشغول وباله مو وياه وشوكت ما تشوفه ضايج و معصب جنت تعبانه و ما حاولت اسأله عن السبب وهو من يصير قريب من عندي يحاول يخفف من عصبيته و يصير هادئ بس مبين اكو شي
وما يريد يحچي

خلصت العشر ايام وخلصت وياها الاجازة المرضية مالتي وصار لازم ارجع للدوام
رجعت ادوم و مثاب ياخذني ويرجعني و ريان يبقى يم خاله بهيـة قبل لا اطلع احظر ريوگه ومن يگعد خاله تريگه

الايام جانت هادئة وكل شي بيها مريح
مثاب گـدر بهاي الايام يسيطر على كل مشاعري و گمت اتعلق بيه اكثر واكثر
اشتاقله وهو يمي احب اسمع صوته بكل ثانيـة اركز بكل تصرفاته وكل حركاته اكل شربه نومته سوالفه انزعاجه ابتسامته

خلال هاي الايام عرفت كل شي عنه بحيث
قبل لا يحچي افهم عليه جان كلش حنون عليه وعلى ابني وعلى امه وما عنده اي قصور بحقنا احنا الثلاثة بس العيب الوحيد اللي عنده عصبي ومزاجي يعني فجأة ينگلب
ويعصب ويتغير كل مزاجـه واذا گال لا تبقى لا ما تتغير ولا بالف كلمة والف توسل حتى امه ما تگدر تأثر على قراره يعني اذا اخذ قرار خلص صار ختم وبعد ما يتغير

طول هاي الايام ما حاول يتقرب مني
و زعجني بتصرف او حركة من حركات المتزوجين بالعكس جان عاقل بدرجة راقيـه بحيث يتعامل وياي بكل هدوء و رومانسية
بس بدون ما يتجاوز حدودة

اخر مره من حاول يتمم الزواج وشاف وضعي شلون صعب والفكرة شلون عندي صعبة صح من شرحتله المشكلة وذكرت قاسم عصب و أذاني من دخل اصابعه بخدوي و زعل بس بعدين تفهم الوضع اللي اني بيه والحاله اللي اني واصله الها