مـأوى الـزهـور

حلقـه (53)

مـــأوى الـــزهور🥀
بقــلــم يــاســة الحلقة (53)

لـك منـي ما أراهُ منك
أنا ذو ودّ لمـن أدم وده

.....................................

إمتنان :- نصف ساعه تقريبًا گاعدة بالغرفة وحدي وراسي ساندته على الكرسي و عيوني للسگف بس صافنه ما اعرف اسوي غير شي
لحد ما انفتح الباب ودخل عليه

رفعت راسي اباوعله بس ما گمت من مكاني بقيت گاعده وهو سحب الكرسي وجابه قريب من عندي وگعد عليه و باوعلي ويگول

مثاب :- اكثر انسان بهاي الدنيا ممكن يفهمج هو اني و اكثر انسان ممكن يسامحج وما يزعل منج اني تعرفين ليش لان اعرف بشنو مريتي وشلون عشتِ  إمتنان حبيتي احنا مو اتفقنا انصير اصدقاء اسمع منج وتسمعين من عندي قبل لا احد يحكم على الثاني ليش ما مشيتي بهذا الاتفاق
و بـ اول كلمة ضربتيه بعرض الحايط ودرتي وجهج و رحتي

إمتنان انتِ مو طفله ولا مراهقه ولا غبية
انتِ كبيرة و فاهمة  و ذكيـة و رزنه بس مع الاسف يم حياتج تاخذين المركز الاول بالغباء ليش بس فهميني يعني مثل ما تفكرين بحياة الناس فكري بحياتج 

إمتنان :- بهذا كلامك عندك حق تعرف ليش ما اعرف افكر بنفسي صح لان اني احس مالي حياة واي قرار اخذه ما راح يغير من عمري شي مثاب اني ما اكذب على نفسي وعليك و اگـول اني اتخطيت ما اگدر امثل على اساس اني قوية واني شجاعة واني واني واني بالعكس خليني اكون صريحة وياك ولو اني جنت صريحة من البداية وما خفيت عنك شي  انتَ تعرف كل زين عندي فد مشكلة بداخلي صعبه ما اگدر اتخطاها ولا اگدر استوعبها ولا اگدر اعيش طبيعي راح تگول المفروض تعلمتي من المريتي بيه بس لا ما اتعلمت غير بس الاذية النفسية تعرف مرات اصفن وياه ونفسي واگول اني احتاج دكتور نفسي يعالجني لان متحطمه حطام مستحيل اگـدر اترمم من عنده بيوم من الايام

-- صح تحتاجين دكتور ولو جنتي عايشة هناك جان عالجوج من زمان بس اني گتلج رتح اصيرلج دكتور و دوه بس انتِ لا تتصرفين بطيش و انطيني خبر بـي تصرف تردين تتصرفينه لا تخليني وره ظهرج حتى اگدر اساعدج

-- شنو رأيك نحسبهن سوى ونبدي اول شي من عشت بيت ناس مسيح على اساس امي وابوي جانوا يحبوني و مددليني ومعشيني أميرة فجأة يموت بابا وراه ماما تتمرض بالكانسر وتبقى سنتين تتعالج وتتگطع من الالم گدام عيوني لحد ما تموت وتعوفني يتيمة الابويين هنا انجبر اروح يم عمي
و اعيش اسوء الايام واسمع اسواء الكلام وبالختام يشمرني بدار ايتام و ما اطول بالدار غير ايام معدودة و اشوف ابنية تنتحر گبالي وهاي الابنية قبل لا تنتحر بيوم توصيني على نفسي وعلى الباقين وتبچي يمي وتشكيلي من العذاب الجاي تعيشة وبس تعدي مده على انتحارها ارجع اني انباع النفس الانسان اللي انتحرت بسببه وهذا الانسان يكبرني بسنين و بگلبه ماكو لا رحمة ولا انسانية ولا حب ولا احترام و يعاملني معاملة بنات الليل