مـأوى الـزهـور

حلقـة (20)

مــأوى الــزهــور 🥀
بقـلـم يــاســة حلقـة (20)

كل شيء في حياتنا لهُ حكمـة
فلو لا وجود السيئين ما عرفنا قيـمة الرائعين
..............................................
شوفنتني الدنيا كل شيء ومنها أخـوي
عايـش بسـدي وفديتـه تالي يطعني بگفاي

..............................................

إمتنان :- اقرأ بالرسائلـة وما مصدگة نفسي هاي شنو قاسم وكلام حلو وغزل ههه اكيد اخر الزمان هذا لا وشلون كلام حلو من يا كتاب جايبـة الله يعلم

أخذت نفس طويل ورجعت زفرته وين جان كلامك هذا وين جان حبك ليش من الاول ما فكرت تحتويني وتصير حبيب وصديق الي ليش ما فكرت تصير سند و انتَ تعرف ما عندي أحـد بهاي الدنيـا

قفلت التليفون و رجعت انوم بريان غفى بحظني
نزلته على سريري وغطيته بعده كاروكة بيت عمو داود بعدنا ما نقلنا ردت انزل بس احس بنفسي ضايجة من كلام ام مصطفى طلعت للصالة وباوعت من الشباك بعدهم گاعدين شكلهم اليوم مطولين هنا اخذت نفس ونزلت شعليه بيها هي ضيفـة ساعة وتروح شكو ابقـى خاتلة منها بس نزلت تلاگوا وياي خالة فاطمة وعمو كريم داخلين بداخل الصالـة يمشون

إمتنان :- تعبتوا مو

فاطمة :- الحجي تعب وجبته يرتاح وين نگعد يمه

حچتها واختنگت بعبرتها نزلت عليهم وفتحت باب الغرفـه ورديت

-- فوتوا ارتاحوا هنا وباجر نرتب الكم غرفـة خاصـة بيكم

دخل الحچي وهي وراه گعد على واحد من الاسرة ورفع رجليه يريد يتمدد

أمتنان :- خالة راح اجيب هذا السريرة اطبگه وياه سرير عمو حتى تنامين عليه

ضحكت خجلانـه وغطت وجهه بشيلتها وتگول

-- ياا شني عرسان

-- لعد احسن منكم العرسان اصلاً انتوا عرسان بكل مكان وزمان

كريم :- هههه الحچيه اخر مرة لزمت ايدي قبل لا تصير طگة بوش

إمتنان:- يبوو خالة هيج ضالمة عمو

فاطمة :- ههههه يا شوف شلون تصاحبوا عليه

-- ما دام هيج طلعتـي مقصرة وي عمو اليوم اله اجيب هذا السرير هنا وتنامين بصفـة

-- هههه گعدي ولج يمة زحمة

-- ههههه وين الزحمـة خالتي الحلوة

كريم :- لو تفرشون النا بالگاع احسن من هاي الحدايد ظهري ما يتحملهن

-- عمو الدواشك مالتكم طبية واحسن الكم
و نومة الگاع هي التكسر الظهر

-- ما اعرف انام على الحديدة هاي

--  هسه تتعود عليهم شوية شوية بعدين هذه مو حديد سيد مصطفى جايب الكم خشب ومدللكم دلال هههه