مـأوى الـزهـور

حلقـه (62)

السلام عليكم❤️

أعتذر على التأخير المفروض من البارحه ينزل البارت بس مع الاسف مرتين اكتبه
و ينحذف وارجع اعيده من جديد و اخر شي من كملته الساعه بـ 12 ونص و اجيت انزله لگيت النت خلصان 😂 و رصيد ما عندي حتى افعل على الرصيـد 🌚 هسه يلا فعلت

قراءة ممتعه ولا تنسون تصويتكم وتعليقاتكم الحلوة ❤️

مـــأوى الـــزهور🥀
بقــلــم يــاســة الحلقة (62)

أخاف أن يـتغير حالي الى الاسواء
انا التي كنت أظن بأنني اعيش الهم خاماً
بت أعرف اليوم أن الله قـد أنـعم عليه
بكثير مما حرم غيري منه  واخاف كثيراً
أن يستعيد الله كل هذا مني فجأة
مثلما أخاف كثيراً من الحقائق
التي تنكشف لنا بدون أن نسعى إليها
أو نــرغـب فــي معرفتها

........................................

مثاب :- وين جنتي جاي اموت على البطيئ بغيابج و الله

قريتها واني ابچي بدون ما ارد رجع دزلي مره ثانيـة

-- وينج ليش هيج مختفيه إمتنان جاي اموت وداعتج جاي اموت مو كافي زعل مو كافي ديرة وجه تعبت واني احسب الدقايق الصوتج تعبت واني اشتاق الشكلج تعبت واني اشتاق العطر والضحكتج ، غلطت بحقج وغلطتي ما تغتفر بس والله جنت تعبان و نفسيتي صفر و ساعة شيطان دمرتني ودمرتج

-- إمتنان امانة ردي عليه وبردي گلبـي لج روحي جاي تفور عليج فور وصرتي بعيدة عليه ما اگدر اشوفج لان صار اربع اشهر من سافرت مجبور لان شريكي يريد ينهي الشراكة وياي

-- حتى شغلي خسرته تعب عمري كله راح
بقيت خالي مختلي لا اهل ولا شغل ولا عافية ولا انتِ لج ليششش شنو الذنب السويته غير حبيتج

-- وعلي احبج وعلي

-- انطيني فرصة أخيرة واذا أذيتج مره ثانية الج الحق تزعلين من عندي و ما تحچين وياي

-- على فكرة سألت على الطلاق و طلع باطل واكيد انتِ محامية وتعرفين بهذا الموضوع والهذا السبب سكتت وما فتحت الموضوع وياج من شفتج ساكته گلت لا تضغط عليها مثاب ما دام ساكته معناها اكو امل ترجعلك معناها بعدهي تحبك لحد هسه

-- شوفي زعلي من عندي واخذي موقف
و ديري وجهج مني بس لا تكرهيني وعلي اموت

-- سنتين بالسجن ما انقهرت هيج ولا اتمرضت هيج تعرفين ليش لان جنت اعرف بيج تحبيني و بالج يمي جنت مأمن گلبج يمي بس هسه تعبت واني اشوفج گلبج قاسي عليه

-- لو مهما تسوين حقج وما الوج لان أني أذيتج بطريقة صعب عليج تتحملينها بداعت ريان عندي انطيني فرصـة اخيرة الخاطر كل ساعة حلوة عشناها سوى

جنت أقرأ بدون ما ارد كل كلمة اقرأها تنزل وياها دمعه توثق احساسي بيها

مسحت دموعي و رحت للحمام غسلت
و عيوني على المراية لا إمتنان لا تضعفين صح تحبينه بس هو هانج و كسرج امنتي بيه وطلع مو گد الامانه لا تضعفين ابقي بهاي القوة حياتج هسه افضل من كل وقت مر أبنج بحظنج و شغلج وشهادتج ديري بالج تمشين وره گلبج اذا مشيتي وراه ما تحصلين غير بس الاذيـة والتعب