مـأوى الـزهـور

حلقـه (60)

مــأوى الــزهــور🥀
بقــلــم يــاســة الحلقة (60)

وقت اكثـر من أهلك جنت اخصصلك
وبدلتك بـغالي و گلــت يــرخصلك
بيـك اكتفت عيني و ما غرتني وجوه
بـزمن ينگط خيانـه وأني مخلصلك
متغيـر حضرتك تحچي بــالمثقــال
وين تغيب أدورك صرت ما احصلك
خل يثبت بـالك سهلـة عنـدي أنساك
محبتك تنگطع من ينگطع و صلـك

............................................

إمتنان :- ضربني بالتليفون قوي درت وجهي سريع صارت الضربـه على إذاني احس روحي طلعت بحيث عطت عيطه من كل گلبي

تقدم عليه سريع و سحب ايدي من إذاني ويسأل خايف

-- شبيج شو بله خل اشوفها

ما ارد باقيه اطفر من الالم سحب ايدي قوي شافها مليانه دم الجرح صاير جوى إذاني اخذني للمغسله يغسلي واني ميت بچي

ما يحچي شي ساكت و يغسل بيه لم شعري و غسل وجهي و رجع يگول

مثاب :- كافي لا تبچين مو قصدي أأذيج والله

ما ارد بس دموعي تنزل عفته و رجعت للغرفة حطيت كلينس عليها و بقيت لازمتها و گاعدة ابچي على حظي الما گعد يوم من الايام

دخل وراي يباوع بدون ما يحچي بقى واگف شويـة و راح رجع للصاله

تمددت بمكاني و دموعي ما بطلت استاهل كل شي يصير بيه من الاول وانجب واگعد شكو رحت تزوجت و تورطت من جديد واني اعرف بيهم كلهم نفس الاسلوب ونفس الهمجيه شنو اللي حصلته هسه غير بس القهر والاذية والبهذله وفوگ هذا كله انحرمت من ابني

ساعه تقريبًا ورجع دخل سويت نفسي نايمة تقدم عليه و سحب شعري و يباوع المكان الجرح استغفر وهو يتنهد و صوت الجداحه اجاني بدأ يدخن

خلص جكارته و گام طلع سمعت صوت باب الشارع انفتح ما اعرف وين راح بس من عرفت بيه طلع برى گمت من مكاني رحت للصاله ادور على التليفون لگيته شايله من الگاع و حاطه على الطبله فتحته اريد اشوف شنو الموضوع ليش هيج تخبل

دخلت على المكالمات المتصل ام زهراء  ودازتلي رسائل

--شلونج ام ريان اخبارج بالي يمكم بشري زوجج طلع لو لا

-- سيد أحمد باله عليج و ما يگدر يتصل گال خاف زوجها طلع طمنينا شلونها الأخبار

أني جنت مسجله رقم السيد بجهازي واكو رسائل ومكالمات بيناتنا صح ما بيهن شي بس الظاهر داخل عليهن و قاريهن وحده من الرسائل كاتبلي

-- اني بـبغداد اريد امر اشوفج

-- اهلاً وسهلاً بيك

-- وين انتِ بيت ابو جوزيف لو طالعه

-- لا بالعيادة

-- دزيلي العنوان

دازتله العنوان وراجع كاتبلي