مـأوى الـزهـور

مشـاهـــد

مـأوى الـزهـور (مشاهــد)

اباوع الها واگـفـه ومـنـزلـه راسـها للگـاع ضعفانـه وجوى عيونها اسود و وحده من إديها بيها اثـر حرگ قوي ومدخلـه اديها وحده بداخل وحده وترجـف كل جسمهـا يرجـف عبـالـك سعفـه يـاخذهـا ويجبـها الهواء رفعت راسها باوعتلـي أبتسمـت بوجهها أبتسامـة نصـر واني اردد بـداخلـي واگـول ،، وكـل قـوي للزمـان يلـينُ
و أخيراً اجـى اليوم اللي نوگف بيه هاي الوگفـه وكل واحد يـاخد أستحقاق أعمالـه 

.....................................

طلع يمشـي سريـع ضايـج من كلامــي و عيونـي لا اراديـن راحـت وراه لحد ما وصل للباب واني بعدنـي اباوعلـه فجاة اندار عليـه درت وجهي من عنده رجع يمشي بتجاهــي لحـد ما  وگف مقابـيلي نزلت راسي متوترة رفع راسـي  بـ أصبعـه السبابـة و ضم شعري وره إذنـي عينـه بعيـني ضعت بعيونـه وإني ابـاوعلهم أبتسـم وگــال

-- ما اگــدر اخطـي خطوة برى الهذا الباب وانتِ زعـلانـه من عندي أمــوت بيـج والله

-- لاا مـا زعلانـه

-- أحبـچ و داعــت نظـر عينـي المحد يفيدني غيره حتـى انتِ ما تفيدني لو راح أحبـچ وداعـت عافيتي الماكو أحسن منها بهاي الدنيـا

لزمتني الضحكة حتى اعترافـه الله گالبه مو مثل البشر بس ثبتت نفسي وما ضحكت
و باوعتلـه على أساس مسيطره ورديت

-- بلا زحمـه عليك المكان هذا محترم مو مال هالسوالف التعبانـة اذا ما بيها زحمـه عليك اطلع برى

سحبني من إيدي قـوي وطلعني من المكتب ومشـى بيه بـداخل الـدار وصاح بصوت عـالي

-- وينكـم يا ناس يا عالـم وينكـم

-- شـدسوي عزااا فضحتناا گدام الناس

-- وينكــم يمعـودين يا اهل الرحـم وينـكم

على صوته طلعوا كلهم واجوا علينا يباوعن النا متفاجأيـن من المنظـر هو من شافهم اجوا گـال بصوت عالـي

-- داخل على وعليكم هـاي الأبنية ماخذه گلبي و روحي وما مخليتني اشوف طريقي واليوم اريد اخطبها منـكم واحـد واحـد أمشـي عليـكم الله ومحمد وعلـي تقنعونهـا.....

باقــي المـشاهـد تلگونها بداخل الفيديو 👇