مـأوى الـزهـور

حلقه (29)

مــأوى الــزهــور 🥀
بقـلـم يــاســة الحلقة (29)

إن القلوب إذا تنافر ودها مثل الزجاج
كســرهـــا لا يــجــبـــر

....................................................

أمجد :- هاي منى مهزومة من اهلها وجايبه ملابسها وجايه البيت أهلي لحگيلي يمعودة راح يطير رأسي

إمتنان :- اقرأ بالرسالـة واني مصدومة عود صدك لو جاي يشاقـه وياي مستحيل اتوقع منها كل شي بس ما اتوقع تنهزم لميت غراضي و مشيت بالقاعة
والاستاذ يباوعلي وصلت يمه وحچيت

-- العفو أستاذ اگدر اطلع

-- دا نلعب ست إمتنان حتى تطبين واطلعين بكيفج

-- اعتذر منك أستاذ بس اكو أمر طارئ صاير وياه عائلتي وضروري اطلع شغله حياة او موت

-- اذا الامر بهاي الخطورة تفضلي روحي وان شاءالله ما يصيبكم غير الخير

-- شكراً

طلعت سريع من الجامعة أجرت تكسي بس ما اندل بيت أمجد وين صاير بالضبط اتصلت عليه بسرعة رد بس شنو يرجف المسكين

-- شنو الموضوع

-- جنت بالدوام وامي خابرتني تگول وحده جايبه ملابسها وجايه عليهم تگولهم اريد امجد امي مطردتها وباقيه گاعدة بــباب الشارع خابروني ورحت اشوف الموضوع ومن وصلت لگيتها منـى

-- عزا بعينها وهسه وينها

-- هاي بالبيت يمنا

-- شلون ادخلها للبيت امجد

-- لج لمت المنطقه بصوت بچيها فضحتني فضيحه شأسوي طببتها للبيت

-- بس انطيني وصف دقيق اني جايه بالطريق

وصف البيت وين صاير بالضبط رجعت اني اوصف للسايق لحد ما وصلت الهم احس هبط ضغطي شنو هاي الجراءه شلون هيج تجازف بنفسها
وبـ اهلها ، وصلت للشارع تحاسبت وياه الولد ونزلت رجعت اتصلت بـ امجد طلعلي وصلت يمه واني دمي ناشف 

-- وينها

-- جوى

دخلني بداخل البيت فتت للاستقبال امه وابو گاعدين وهيَ ماخذه الزاوية بزي المدرسة وجنطتها بيدها وگاعدة تبچي سلمت المره والرجال ردوا السلام بس شنو اثنينهم معلك ضغطهم ناس كبار وكلش فقرة بعيدين عن المشاكل من شفتهم متت من القهر عليهم شجابهم يم قاسم حرام ياكلهم بكشورهم يضيعون بين اصابعه حتى مو بين اديه

تقدمت على منـى ومن گد ما قاهرني تصرفها وموقف امجد واهلها لزمتها من إذنها من فوك الحجاب وسحبتها عليه قوي رفعت عينها عليه بكل صلافه وتگول

-- وخري ايدج ولج

بسرعه ضربتها على حلگها

إمتنان :- ادب سزز شنو هذا الاستهتار