مـأوى الـزهـور

حلقـة (30)

مــأوى الــزهــور🥀
بقــلــم يــاســة الحلقة (30)

نحـن الــذي نمــنح الطمــأنيــنة للجمــيع
بينمــا كـــل ذرة فينــا تـرتجــف
ومــــع هـــذا
رضينـــا و كـــما تمضـــي الحيــاة مضيــنا

........................................

إمتنان :- دخل مثاب عليه بدون حتى ما يدگ الباب رفعت راسي باوعتله متفاجأة تقدم عليه وسحب الكرسي وگعد بـ تصرفـه هذا صدمني حچيت وياه متفاجأة

إمتنان :- اهلاً وسهلاً أستاذ مثاب

مثاب :- اهلاً بيج ست إمتنان

-- محتاج شي

-- لا اجيت امتع عيوني بشوفتج

--عفواً

-- وين الاوراق

-- يا اوراق

-- الاوراق مثل السند وجنسية امي وبطاقة السكن

-- شعرفني بيهم

-- ها خطيه متعرفين بيهم

-- شنو هذا الاسلوب شو متحترم

-- لا عاد كل شي ولا تزعل ست إمتنان

-- اطلع برى

-- هاي كل قوتج

-- شنوو الموضوع وشنو هذا الاسلوب و شنو اللي رايده

-- سلامتج عيوني ما اريد شي

-- اخي العزيز أحترم المكان اللي انتَ بيه تجاوزت حدودك

--اييي أحترم ليش ما أحترم ادللي ست

حجى هيج وگعد على الكرسي ومد رجليه فوگ المكتب نرفزني تصرفه گوه ضبطت أعصابي ورديت عليه بدون ما اضربه

--  هي هاي اخلاقك

عدل الكاسكيته مالته وهو يگول

-- بصراحه اني سيد بـ الاخلاق اعجبج اصلاً إني جنت اوزع أخلاق على أروبا بس شفتكم محتاجين أخلاق  ورجعت انطيكم شوية

بعدني ما راده ودخل حجي كريم وعكازته بيده يستند عليها

حجي كريم :- شتريد بعد ابوك صار ساعه تتجادل وياها اگدر اساعدك اني اذا محتاج شي من المكان گول وما اقصر وياك بس كفينا شرك

عدل گعدته ورد ع الحجي بكل أحترام

-- على رأسي حجي بس الموضوع بيني وبين الست
وهسه نحلها ارتاح انتَ لا تشغل بالك ويانا

-- عمو  لا تعب نفسك ارجع المكانك ولا يظل بالك ماكو شي

حجي كريم :- شلون ماكو شي بويه وصوتكم يوصل  للشارع

-- بسيطه لا تهتم انتَ تعبان ارجع ارتاح هسه راح يروح الاخ

رجع حجي كريم طلع من الغرفه وهو يمشي بهدوء  ساند جسمه النحيل على عكازته ما يگدر ياخذ وينطي بالكلام تعبان رجع هو باوعلي وگال