مـأوى الـزهـور

حلـقه (49)

مـــأوى الـــزهور🥀
بقــلــم يــاســة الحلقة (49)

أن الظلم يجعل من المظلوم بطلاً
أمـا الجريمـة فـلا بد أن يرتجف قلب صاحبها مهما حاول التظاهـر بالكبـريــاء

...................................

قاسم :- اي صح حقج بهاي هسه عوفي فلوسج لان راح ادزلج سيارتي مشي بيها امورج لان شكلي بعد تحرم عليه المشي والسيارة وحتى الدنيا

إمتنان :- شنو يعني ما فهمتك قصدك ما تمشي بعد

-- شكلي انشليت يا إمتنان

-- لا تشاقى

-- وداعتج

-- ليش هيج

-- عقاب من الله

-- يعني انتَ هسه ما تمشي

-- اي گاعدة بالكرسي المتحرك

-- وهاي تبقى طول العمر هيج

-- الله اعلم

-- شگال الدكتور عن حالتك

-- شنو اللي ما گالـه

-- عندك العافية تگوم بالسلامة

-- الله يسلمج ، راح ادزلج السيارة بيد واحد من الولد ومشي امورج بيها واكو بنية اعرفها مدربة راح اخابرها واسجلج يمها دورة تدريب

-- شكرًا ما يحتاج اني عندي فلوس راح اشتري بيهن

-- فلوسج يجيبن ستوته وين تلگين سيارة بهيج سعر

-- اذا ما لگيت ما اشتري ما متوازية عليها

-- ليش العناد اخذي السيارة خلصي بيها احتياجاتج بدل ما تبقى بالباب مركونه وعود اذا اذا اذا مشيت رجعيها

-- يارب ترجع تمشي شدة وتزول

-- الله يحفظج

-- راح اروح هسه مع السلامة

-- إمتنان

-- نعم

-- ابريني الذمـة أذيتج هواي وبچيتج هواي سامحيني على كل سوء مريتي بيه بسببي

ما رديت شي لان اني شگد ما تأذيت منه وشگد ما تعبت منه ما يوم تمنيت يصير بيه هيج صح مرات اگول الله ياخذ بس اگول باللساني بس گلبي ما يتمناله اي سوء لان ابني متعلق بيه واذا صار عليه شي اول شخص يتضرر هو ريـان

قفلته من عنده و گمت انشغلت بين ريان وبين شغل البيت تليفوني بقى فوگ ما نزلته ولا صعدت وشفت مثاب بعده يتصل لو بطل بس شكله بعده يتصل لان راسل مَرح يسأل عليـه ويني وشـ جاي اسوي ردت جوى ومشغوله بريان والبيت

خلص هذا اليوم وباليوم الثاني جهزت نفسي ورحت للدار اول ما دخلت نفس الوضع ام صادق استقبلتني ترحب بيه وتهلي وجابت جاي ورجعت حابت گهوة بس ما اعرف ليش ما ارتاحيت الها احس عندها شي