مـأوى الـزهـور

حلقـه (69)

مــــأوى الـــزهــور🥀
بقــلــم يــاســة الحلقة (69)

يجرحونك وهمَ الي يزعلون
فوك جروحك تروح تعذر
لابو الحب إذا يخلص تواسيل
ولابو گلوبنا الخلتنا نصغر

.................................

مثاب :- هلا وميت هلا بالجاي وجايب خير الدنيا كله وياه هلا بـ ابو شهوووم هلا بـ بكل العشيرة هلاا بـ أحلى ولد بـيك يا عراق ويا (ََ...) لك هلا و ميت هلا بيك و بصوتك
و بشكلك و بروحك الحلوة لك هلاااا يروح ابوك و گلب ابوك الله حيووووو ابو شهوم نور البيت وعلي ابو الحسن

إمتنان :- دخل للبيت شايلة و يرحب بيه من كل گلبــه و ريان يمشي و ياه و فرحان بـ اخو
نزله بسريرة طبعاً من وصلت لگيته مجهز سرير الريان و سرير الشهم كل واحد حسب عمره

نزله للسرير و رجع ساعدني گعدت على سريري و گعد مقابيلي عيونه تلمع من الفرح سحب ايدي و باسها و يگول

مثاب :- حبيبتي الف سلامة عليج مبروك عليج شهومي

إمتنان :- الله يبارك بيك حبيبي انتَ احلى اب بالدنيا

-- ممنون منج لان هديتني هيج هدية مـا تعرفين شلون فرحان و شنو شعوري احس
گلبي طاير

-- الله يحفظك النا و ان شاءالله يعيش طول العمر بحنانك و دلالك

اجى ريان صعد يمي على السرير وگعد بحظني ابتسمت عليه و بسته بـقى گاعد بدون صوت ضحك مثاب و سحبه من حظني و گعده بحظنه و باسه بخده ويحچي وياه

مثاب :- صار عندك أخ و صديق حلو

ريان :- اي نلعب اني وياه

-- هو يحبك

-- اني هم احبه

-- دير بالك عليه خطيه صغير و حباب ويگول اني احب ريان الحلو

ريان ضحك فرحان ورجع يباوعلي و يگول

-- ماما صدگ

إمتنان :- اي حبيبي صدگ يحبك ويريد يصير صديقك

-- اني موافق

مثاب :- واني هم اريد اصير صديقكم تقبلون لو لا

-- لا انتَ كبير وماما متقبل نلعب ويا الكبار

-- هههههه لا مو كبير اني صغير بس طويل شوية

إمتنان :- لا طويل هواي مو شوية

-- ههههههه

ريان :- اريد اشيلة

إمتنان :- هسه نايم من يگعد شيله متفقين

-- اوك

مثاب :- راح اسويلج معلاك

-- لاا ما اريد

-- مو بكيفج و جهج اصفر و حلگج يابس راح تموتين و اني وابني وريوني محتاجينج مو هيج ابو الرون