مـأوى الـزهـور

حلقـه (48)

مـــأوى الـــزهور🥀
بقــلــم يــاســة الحلقة (48)

نحنُ نبحوح بالاسباب الكبيرة المقنعه الدافئـة بينما الاشياء الصغيرة قد نخفيها
خجلاً او هروباً من صعوبـة تحليلها
هذه الاشياء الصغيرة قـد تكون مسوولـة
عن صنـع القـرار برمتــه

........................................

مينـا :- انـي زوجـة مثاب

إمتنان :- شنو ؟؟؟؟؟؟

-- مثل ما سمعتي اني زوجته و هو رجع للعراق الخاطر امه فـ رجاءً ابتعدي عنه وعن حياته

اريد اكتب وارد ماكو ايديه ترجف وضيعت كل الاحرف الف مره حاولت اكتب شلون زوجته و اغلط بالاملاء مالتها وارجع احذفها اخر شي طلعت من المحادثـه وگعدت مَرح فزت مرعوبه خطيه

مَرح :- شكو يا ستار

إمتنان :- طلع متزوج مَرح متزوج

-- منو هذا

-- مثاب

-- شنو متزوج شبيج

انطيتها الجهاز قرأت المحادثه وسكرنتها بسرعة وگعدت گعده وصفنت عليه واني احس روحي تشلوطت تشلوط نار يطلع من گلبي

إمتنان :- شـاسوي هسه فهميني

-- اتصلي عليه وتأكدي من عنده

گمت من يمها رحت للحمام غسلت ورجعت للمطبخ حظرت الريوگ گعدت ريان بدلتله و ريگته واكلت وياه اكل تگول اول مره بحياتي اشوف الاكل

مَرح گاعدة مقابيلي وتباوعلي بدون ما تحچي شي رجعت گمت نظفت البيت كله
اريد بس اهدأ ماكو متت من الحرگه روحي تفور ليش هيج متأثره ما اعرف معقوله غرت معقوله احبه

لا لااا ما احبه ولا اغار بس مقهورة من هذا الاستغفال مقهورة من اللعبه اللي لعبها عليه

اجيت گعدت بالصاله مَرح جانت گاعده وبيدها التليفون بسرعه گالت

-- دزيت السكرين المثاب و جاي يتصل عليج ردي شوفي شيگول

-- لا ارد ولا احچي وياه ولا اسمع منه عوفيني مَرح عوفيني اصلاً اني من البداية غلطانه واستاهل اللي يصير وياي

-- احتمال چذابه وجاي تتبلى عليه لا تظلمي أسمعي من عنده

-- حتى لو جاي تكذب بس وين تعرفني وتعرف حسابي

-- احتمال اخذته من عنده بدون ما يعرف

-- مَرح اسكتي وين لگت جهازة و اخذت حسابي من عنده ترى اني صار شگد من شفته وتعرفت عليه ما مديت ايدي على تليفونه هاي علاقتها بيه قوية لدرجه تاخذ التليفون تفتشه وماكو علاقه اكثر قرب من الزواج وزوجته وهي اعترفت باللسانها زوجها يعني ما خافت تطلع عليه السالفه كافي مَرح كافــي