مـأوى الـزهـور

حلقـه (50)

مــأوى الــزهــور🥀
بقــلــم يــاســة الحلقة (50)

لن تجد شخص قوي دون ماضي مؤلم
فـلا أحد يصل الـمرحلـة العقلانيــة
دون أن يـدمر شيء مـا فـي داخـله

.....................................

إمتنان :- الله يساعدك على كل شي شفته ومريت بيه بحياتك بس مهما كانت حياتك السابقـة وماضييك هذا ما ينطيك الحق تستغل بنات الناس وتضحك عليهن يعني
شـ تفرق عن قاسم

مثاب :- صار مرتين تقارنيني بقـاسم المره الثالثـة اذا انذكر هذا الاسم گدامي اتصرف غير تصرف وياج إمتنان اني مو قاسم ولا بجرام قاسم ولا بقذارة ونذالات قاسم ولا خدعت احد ولا لعبت على احد ولا جبرت احد

سافرت برى واني بـبداية شبابي عشت هناك اسوء ايام حياتي واتعسهن ايام وليالي انام واني لا اكل ولا شرب بس ما دنت نفسي على مال الحرام ولا سوالف الحرام

لحد ما تعرفت على مينا ما انكر ساعدتني هواي وگفت وياي هواي والقصد من المساعدة مو ماديًا لا بس اللغة جانت صعبه عليه المعامله وياهم صعبه صارت صديقتي المقربة و شنو احتاج اتصل عليها تجي وياي نخلصه سوى

مينا مولودة هناك ومتجنسه يعني مواطنه الها حقوق و واجبات عكسي اني كلشي محسوب ومكتوب عليه واقل تصرف واقل كلمة اترحل و تروح عليه الدراسـة

المهم عرفتني منيا على اهلها واقاربها و من بعد ما گعدت وياهم وشفتهم توضح عندي
العائله بـ اكملها أوربيـة يعني عاداتهم تصرفاتهم لبسهم كلامهم ناسين اصلهم وناسين دينهم

اني گلت شعليه بيهم المهم اكو ناس هنا بيهم رحمه وبوقت اللي احتاجهم يساعدوني
صرت صديق العائله المقرب تضيعنهم تلگينهم يمي تضيعيني تلگيني يمهم

لحد ما بيوم من الايام تخربط ابوه مينا ونقلناه للمستشفى ودخلوا عملية مفاجأة
بهاي الاثناء احتاج دم تبرعتله دم و بقيت وياه طول ايام نومته بالمستشفى ما عفته ابد ومن طلع گعد وياي وگال

-- اللي سويته وياي ابني من لحمي ودمي وما يسويه مثاب انتَ شهم وطيب وشجاع
ادري بيك تعبان وضعك هنا تعبان وعلى ساعة الساعة ترجع هناك ويضيع تعبك فـ وگفتك هاي ما انساها طول عمري واريد انطيك بنتي تزوجها وتكون وياها عائله وتستقر هنا

-- اشكرك عمو بس ومينا والنعم منها بنية كاملة ومرتبة وما ينقصها شي بس اني ما ناوي اتزوج ولا ناوي استقر هنا بس اخلص دراستي ارجع البلدي امي واخوي بقوا هناك

سكت الرجال وبعد ما فتح الموضوع وياي بس خلى السالفه براس بنته وكامت كل اليوم والثاني واجت البيتي وگعدت وما گامت وبقت كل شوية واعترفت تحبني وتريدني وتسوي شغلات على اساس تغويني هنا اني گمت اتهرب منها و اتزاعل وياها بسبب وبدون سبب وتوصل بيه مرات
اطردها