مـأوى الـزهـور

حلقة (33)

مــأوى الــزهــور🥀
بقــلــم يــاســة الحلقة (33)

إذا هجرت فمن لي ومن يجمل كلي
ومن لروحي وراحي يا أكثري واقلي
أحبك البعض مني فقد ذهبت بكلي
يــا كلـــي كلـــي فكـــن لــي
إن لــم تكــن لــي فمـن لــي

........................................

إمتنان :- نزلت من الدرج وعيوني عليه وگلبي يدك بكل قوته ما اعرف شلون افتح الموضوع وياه ولا اعرف منين ابدي هو بس شافني نزلت أبتسم وگال

مصطفى :- شدعوه عاد صايرة ثكيلة وما تردين احنه احباب ديري بالج علينا

إمتنان :- مساء الخير

-- مساء النور شلونج

-- زينه

-- عندي موضوع وياج لازم نحچي ضروري بخصوص مجموعة من المسنين اريد اجيبهم هنا يمنا

-- اول شي اريد اني احچي وياك وراها نرجع الموضوع المسنين

-- خير ان شاءالله صاير شي

بدون ما ارد طلعت من الصاله بوجهي للطرمه وهو فهم و اجـى وراي سحبت كرسي وگعدت وهو نفس الوضع سحب كرسي وگعد مقابيلي و كلش قلق يباوعلي بحيرة لان شكلي جان فد نوب تعبان

مصطفى :- سلامات إمتنان قلقتيني شـ صاير وياج

-- مصطفى تعرف شگد احبك و احترمك ومكانتك بگلبي تختلف عن الجميع وافضالك مغرگتني وعلاقتي بيك حيل احبها واحترمها أتمنى نبقى مستمر بهذه العلاقة الاخوية لان كلش خايفه اخسرك و انتَ اقرب الناس الي

ما رد بس مركز بكلامي و حسيته توتر بقى ساكت ثواني وراها رد وهو مرتبك

-- شنو مناسبة هذا الكلام صاير شي سيء لا سامح الله اني حچيت شي او تجاوزت حدودي وياج

-- لا بالعكس

-- لعد شنو داعي هذا الكلام

-- هيج مجرد كلام عادي

من حچيت الكلام هذا وياه تورطت خجلت اگوله انتَ تحبني خفت لا اگول هيج شي ويگول لا غلطانه واروح اتخاجل وياه اكثر وبنفس الوقت ما اگدر اگوله امك حچتلي لان طلبت مني ما احچي ولا اگول

مصطفى :- ماكو مجرد كلام إمتنان اني اعرفج كلش زين ما تحچين هيج كلام إذا ما سامعه شي
شنو صاير وياج

-- ما صاير بس هيج كلام عادي صدگني

گام من مكانه وگف وگفـه و توجه الباب الشارع
رجعت اني وگفت واباوع عليه ما اعرف اتصرف احس تسرعت وغلطت شلون هيج حچيت وخليت نفسي بهذا الموقف ،، عافني وطلع وسد الباب وراه بدون ما يحچي وياي اي شي رجعت دخلت اني جوى رنا تحضر بالعشاء وگفت وياها اساعدها بدون صوت

هي تحوس تريد تسأل وتشوف شبيه بس ما سألت باقيه بس تباوعلي وادور وجهها اخر شي ما تحملت تسكت اكثر وگــالت