مـأوى الـزهـور

حلقـه (54)

مــأوى الــزهــور🥀
بقــلــم يــاســة الحلقة (54)

أحببتك حتـى أني جعلتك شيئاً
أستمد منه الفرح و اجدد به طاقتي 
من سواد الحياة ولو بالقليل من محادتثك
أحببتك بغـرابــة ليـس لها مثيــل

......................................

إمتنان :- صباح جديد و يوم جديد وحياة جديدة وعمر جديد متمنيه بيه السعادة والاستقرار فاتت سنين من عمري ما شفت منها غير التعب وهسه جاي احس هذا العوض اللي انتظرته طول هاي السنيـن

فزيت على صوت مثاب يلعب وي ريان بالصاله شلت نفسي من الفراش متكسرة تكسر لميت شعري وطلعت لگيتهم بالصالة
بس طلعت من الغرفـة وشافتني خاله بهية
هلهلت متت من الخجل و مثاب ميت من الضحك رجعت هي هوست وتصفگ وتگول

-- عفيه عليك ابو شهم شلون دربتها هي حمامة بالقفص شلون طلعتها

مثاب :- اروح فدوة للحمامة يمه ترى تخجل الحمامة كافي ههههه

بهيـة :- يا عليمن تخجل هذا يوم المبارك عليكم تعاي حبيبة يمه تعاي ابوسج

رحت عليها حظنتني وباستني و تتباركلي

مثاب :- واني مالي بوسة ترى اني صاحب المهمه الكبيرة

بهيـة :- مو بستك من الصبح شنو كل شوية

-- بعد بوسيني حتى اتشجع اجيبلج شهم
بـ اسرع وقت

-- تتعال ابوسك ما دام هيج

ضحك وتقدم عليها باسها و رجع گام عليه حظني و باسني براسي ويگول

-- صباح الخير عروستي وأميرة بيتي وحمامة گلبي

-- صباح النور

همس بـ إذاني ويگول عندي شغله وياج بالغرفه روحي واجي وراج

رحت للغرفه ثواني واجـى لزم ايدي وباسها و يگول

-- حبيبتي اللطيفـة اللي اموت بـ لطافتها
و بنزاكتها اريد اعلمج على شغلات تسوينها لان منا وجاي وضعنا تغير ولازم تحسبين حسابج يعني من بعد ما اتقرب من عندج لازم تغسلين الجنابة لان حرام عليج تبقين مجنبه وحرام عليج تسوين اكل و تلزمين المواعين وانتِ مجنبه وملابسنا تغسلينها وحدها ميصير تنجمع ويا الملابس النظيفه

-- ماشي

-- و قبل كل صلاة لازم تتوضين

-- هو جاي اتوضى لان قريت عن هذا الموضوع

-- عفيه حبيبتي الحلوة الفاهمة

-- اني ما نطقت الشهادة يم احد بس بيني وبين ربي عادي لو ما قبوله مني

-- انتِ نطقتي الشهادة لله لو للناس

-- لله

-- وهذا الشي كافي ما يحتاج الناس ما دام نيتج صادقة وشهادتج كامله ما يحتاج تحچينها لحد و بنفس الوقت راح اسألج بهذا الموضوع و ارجعلج خبر