مـأوى الـزهـور

حلقه (36)

مــأوى الــزهــور 🥀
بقــلــم يــاســة الحلقة (36)

مـن جـرب الكـيَّ لا ينسـى مواجعهُ
ومن رأى الســم لا يشقـى كمن شربا

......................................

إمتنان :- ماشي موافقه

مثاب :- ههههه حبيبتي

-- بس عندي كم  شرط

-- اسمعج

-- مو هنا خلينا نمشي منا لا يطلع قاسم

-- يلا نمشي لان اني هم اخاف منه

حچى بستهزاء ومشى گدامي صعد بالسيارة اجيت صعدت بصفه شغل ومشى وهو يسوق وعينه على الطريق گال

-- اي ست إمتنان شنو هل كم الشرط

-- اول شيء تروح وياي للضابط (...) ما اگدر اروحله وحدي اخاف يستغلني

-- هلو عيني وين نلگاه هذا ونروح عليه ومنو احنا حتى يستقبلنا وبعدين شعندج وياه و ليش تروحين عليه

-- هذا الوحيد يگدر على قاسم اروح احجيله وهو يرجعلي ابني

-- وين تحصلي

-- عندي رقمه اتصل عليه وراها نروح نشوفه

-- وباقي الشروط شنو

-- متتقرب من عندي ابدًا مو شهر شهرين وتجي تطالب بحقوق زوجيه وتعيش الدور براسي

-- هههههههه

-- ماكو شيء يضحك

-- تمام بعد ما اضحك

-- بين متخلص شغلك واني اخلص من قاسم وراها كل واحد يروح الحال سبيله

-- هذا هو متفقين بس امي ما اريدها تعرف بزواجنا مصلحه والأتفاق يعني خليها تصدگ بالموضوع لان ما تقبل بـ أذيتج

-- ماشي

-- تتحملين عدوية ومشاكلها وتحطين امي بعيونج وبالمقابل اني انفذ شروطج واساعدج

-- هذا هو

-- شوكت نعقد

-- ما اعرف بكيفك

حچيتها وبچيت هاي اني شجاي اسوي بنفسي راح اضيع اكثر من هذا الضياع

-- هاي دموع الفرح مو

-- اي كلش فرحانه وسعيدة بيك لان تستاهلني من خرب حظي اي والله

-- هههههههههه يابة والله اني حباب ليش هاي النظره السوداوية

-- حباب على نفسك مو عليه

-- اتصلي عليه وشوفي يقبل يشوفج لو يروح يطگج بزيج

-- شنو هاي الالفاظ شگد بيئة

-- اوي عيني تردين تقنعيني  اول مره تسمعين هاي الالفاظ شحال لو ما ابو ابنج قاسم