مــأوى الــزهــور 🥀
بقــلــم يــاســة الحلقة (27)
لا أعتبر نفسي مثلاً يحتذى في النجاح
في اي شيء تصديت له وحققته
لكنني أعتبر نفسي مثلاً
اعلى في الوقوف بعد كل سقطـة
والضحك بعد كل ضربـة
وإعادة المحاولـة بعد كل فشل
هكـذا أنـا لن ألين ولم اقهر ولا انكسر
...............................
إمتنان :- جان يحچي بعصبيه وراها گام طلع من الصاله وامه گامت طلعت وراه فهمت من خلال كلامـه يدور على سند البيت و اخو يگول اله ضايع
خمس دقايق تقريبًا وراها دخلت خاله بهيـة
فاطمة :- شبيه ابنج ليش هيج تعصب
بهيـة :- هو واخو والبارحه رايح عليه وطاگه والدنيا كلها داخله حاجز بينهم واحد ماكل الثاني لحم وهسه نـزار يگول السند مال البيت ضايع هو والمستمسكات وهاي من البارحه لليوم متذابحين ولكم شلون بيه راح يروحون من ايديه شأسوي فهموني شأسوي
فاطمة :- خليه يكتله ويطلع الشيطان من جلده يستاهل الكتله وليد مريته ولج خيه يامن تعب يامن شكه ويامن على الحاضر لگـه ياما تعبنا ياما
سهرنا تالي خوش شمره انشمرنا
بهيـة :- زعلان مني لو رضيت وفوگ گلبي جمر حطيت ردتك يا يمه ما ردت مال وردت الولد للحمل شيال ربيتكم بدموع عيني و انطيتكم اجمل سنيني يمه كثر ضيمنا وعافونا اهلنا يا الولد يايمـة
فاطمة :- بالباب اعين انه بالباب اعين بلكي منهم يوصل خبر لو طارش الهم شتريد يگلبي گول شتريد احبابك بعيد راحوا بعد احبابك بعيد الياس وانگطعت الضنه منكم يا يمة
جانوا وحده تنعى والثانية ترد ونعاويهن تگطع الگلب حتى عمو رحيم وعمو كريم بجوا وراها عمو رحيـم گال بصوت مبحوح ومليان حسرة وقهر
رحيـم :- ذبت وبنارهم يا گلبي ذبوك
مثل ذبت هدوم الميت ذبوك
سمعت مرت ابني الابن تصيح ذب ابوك
ابشري گالها وعتني من ايديـه
إمتنان :- كافي الخاطر الانبياء والمرسلين كافي يرحون الكم فدوة يرحون فدوة الدموعكم لا تبجون كافي رحموا حالكم والله دموعكم تحرگهم بالدنيا والاخرة
كريـم :- الله يسعدهم ويكفيهم الشر ما نريد منهم شي ما دام سالمين ويشمون الهواء هذا كافي علينا
إمتنان :- والرب گلبي جاي يأذيني لا تحجون هيج
وما اگدر اتحمل اذا الي خاطر يمكم الخاطري كافي بجي وقهر اني بنتكم وياكم باقيه لحد اخر يوم بعمري
بهيـة :- ريتج سالمة ويعلي شانج يا يمه ويفرحج بوليدج و يعوضج عن كل تعبج
فاطمـة :- ريت السعادة ما تفارك عيونج ولا تشوفين شـر يا طيبه يا ذهب
إمتنان :- فدوة رحت الكم والدعائكم الحلو اهلي وكل ناسي انتوا والرب اموت عليكم وعلى گعدتكم وعلى سوالفكم وعلى شكلكم الحلو الله لا يحرمني منكم ومن دعائكم وبركتكم
YOU ARE READING
مـأوى الـزهـور
Random(يا إيها الناس أتقو الله بالنساء اوصيكم بالنساء خيراً) لم يستوصوا بنا خيراً يا رسول الله لقد كسرو القوارير والافئدة
