مـأوى الـزهـور

حلقـة (23)

مــأوى الــزهــور🥀
بقــلــم يــاســة الحلقة (23)

ويسألـونك أيـن تجـد الجمـال
قـل لهـم بالـوجوه التـي تستحي من الله

..........................................

من بعد ما قروأ الفاتحـه راحوا واحنه كل وحده بينا انشغلت بحاجـه اما مرح دخلت للغرفـة وبعد ما طلعت خلصتها غزل وحب ويا حيـان بالاتصال
وثاني يوم صادف احـد سوينا حمله قويـة على البيت وغسلنا كل الفراش والبرادي بدينا انجهز المهرها احس صعبه عليه احضر مناسبة وفرح
وبنفس الوقت صعبه ما احضر لان مـرح ما عدها غيري المشكلة كل ما يمشي الوقت بيه كل ما اتعب وتأذه اكثر من الاول اللي اعرفه الايام كفيله بالنسيان والتخطي الا اني الايام صارت مره عليه وكل يوم يمر ارجع البيه النقطـة الصفر

شگد جنت اكابر وادوس على نفسي الخاطر البنات والخاطر ابني بس الوقت اللي اختلي بيه ويا نفسي انهار تماماً بحيث صرت وحده ثانية وجهي ما بيه روح ضعفانه وعيوني السواد مغطيهم اربع اشهر على وفاة امـي اي أمي وأخيراً كلت أمي بـس للأسف گلتها بدون ما تسمعني وتحس بيه حچيتها واعترفت بيها من بعد ما فقدتها وهذا اكثر شي جاي يموتني كل العشته بجهة والشعور هذا بجهة

بقيت اشغل نفسي وياه البنات ساعـه انظف ساعـه نجهز ساعـه نگعد نخطط رنـا ومـرح راحن للسوك اشترن شغلات المهر وباليوم الثاني رجعن مره ثانية يحضرن باقي النقوصات و زمن وزهور بكل روحـه وياهن وبيوم الاربعاء جانن هسـه راجعات من السوك وبيدهن الغراض وزمن وزهور مثل العادة يرحن ويرجعن وياهن ،، بعدهن هسـه دخلن و دخل وراهـن غيـث سلم وگعد يم عمـو كريـم والبنات شالن غراضهن وفاتن للغرفـه بقيت بس اني گاعـدة يمهم

غيـث :- حجـي هذا الحبوب دزاه مصطفى

كريم :- الله يخليكم ويطول بعمركم يا بوية

غيـث :- ويخليك ويحفظك

فاطـمة :- چا مصطفى شلون يروح بدون ما يجي علينا انشوفه و انودعـه

غيـث :- صارت الشغله بسرعـة ما لحگ يمر عليكم
هو ما يتأخر الجمعه الصبح تلگونه فوگاكم
ان شاءالله

-- ميخالف غير يمر انشوفه بالي يضل يمه

إمتنان :- خالـه هاي كربلاء قريبـة بعد ساعتين بينا وبينها لا اضوجين ولا يضل بالج تحملي فراكه بس اليوم وباجر

فاطمـة :- تعلمنا عليه وعلى شوفته يوميـة يجينا ويسرير علينا

غيث :- بعد منا وجاي اني اسير عليج صح مصطفى ثكيل على المعدة وما يشبهني لان اني احسن منه بس ميخالف حسبوني هو

إمتنان :- ههههه لا ترى منقبل تحچي عليه هذا الخير والبركـة مو صحيح عمو

كريم :- اي بالله هذا الطيب ابو كلمة الطيبة