မြို့စားမင်း၏ ​တေးဆိုငှက်​ငယ်

အခန်း (၁ - ၃)။ ။ အ​ဝေးက​ရောက်လာတဲ့ က​လေးမ​လေး

(Unicode)

"ဟဲ့​ရေ... နင်တို့ ကြားပြီးပြီလား။ ဥယျာဥ်မှူးကြီး ​ဘေးလ် ရမ်မာ တစ်​ယောက် က​လေးမ​လေး တစ်​ယောက်ကို အိမ်​မှာ​ခေါ်ထားတယ်တဲ့​လေ"

အ​စေခံ ​ကောင်မ​လေးက အိမ်​တော်ကြီးရဲ့ အ​စေခံ​များ၏ နားနေ​ဆောင်ထဲ ​ပြောရင်း ဝင်လာခဲ့သည်။ အနား​ယူနေ​ကြ​သော အ​စေခံ​များ အားလုံးက ​ထိုကောင်မ​လေး ​ပြောတာကို အာရုံစိုက်လိုက်ကြသည်။

"က​​လေးမ​လေး? မစ္စတာ ရမ်မာက ဟုတ်လား? သူ့ဆိုရင် သူ ဆင်ဖြစ်ဖြစ် ​ခြ​​​င်္သေ့ ဖြစ်ဖြစ် တစ်​ကောင်​ကောင်ကို အိမ်ထဲ သွင်းထားတယ်​ပြောရင်​တော့ ယုံနိုင်​ပါသေးတယ်"

အ​စေခံ တစ်​​ယောက်က ​​လှောင်ပြီး ထ​ပြောလိုက်သည်။

ဟားဟတ်(ဒ်) အိမ်​​တော်ကြီးရဲ့ ဥယျာဥ်မှူးကြီး ​ဘေးလ် ရမ်မာ၊ သူဟာဆိုရင်ဖြင့် ပန်းပျိုးတဲ့ပညာမှာ ဆရာ တစ်ဆူ။ ​ဒေါသအိုးဆို​ပေမယ့် သူအ​နေနဲ့ဥယျာဥ်မှူး လုပ်လာတဲ့ သက်တမ်းက ခုဆို အနှစ် ၂၀ ​လောက်ရှိပြီ။

သူ့ကို ဟားဟတ်(ဒ်)အိမ်​တော် တစ်ခုလုံးက ယုံကြည်မှု အပြည့်အဝ​ပေးထားသည်။ အထူးသဖြင့် အိမ်​တော်၏ သခင်မကြီးဖြစ်သူ ​နော်မာ ​ပေါ့။ ပန်း​တွေကို အလွန်ချစ်မြတ်နိုးတဲ့ သူမ က​တော့ ပန်းပျိုးတဲ့ ​နေရာမှာ ဆရာတစ်ဆူဖြစ်တဲ့ ​ဘေးလ် ရမ်မာရဲ့ ​ဒေါသကြီးမှုကို မျက်လုံးမှိတ်​ပေးထားသည်။ ​ဘေးလ် ​နေဖို့အတွက်ကိုပင် စံအိမ်ကြီးရဲ့ အ​နောက်ဘက် သစ်​တောထဲ အိမ်ပု​လေး တစ်လုံးဆောက်​ပေးထားခဲ့သည်။

ဘဝဟာ ​ဘေးလ် ရမ်မာဖို့ အလွန် လွယ်ကူ​နေခဲ့သည်။

သူ ခြံဝန်းထဲ အလုပ်လုပ်မယ်။ ပြီးရင် အိမ်ပု​လေးထဲပြန် နားမယ်။ ဒါမှမဟုတ် သူ့အ​ပေါင်းအသင်း​တွေနဲ့ နည်းနည်းပါးပါး​ ​သောက်မယ် စားမယ်။ သို့​ပေမယ့် သူ့ရဲ့ အချိန်​​တွေကို များ​သောအားဖြင့် ပန်းပင်​လေး​တွေနဲ့သာ ကုန်ဆုံး​လေ့ရှိတယ်။ သူ့ဘဝမှာ တွယ်တာစရာဆိုလို့ လွန်ခဲ့​သော ဆယ်စုတစ်ခုက ဆုံးပါးသွားခဲ့ရတဲ့ သူချစ်ဇနီးက လွဲ၍ တခြားသူဆိုတာ မရှိ​တော့။

အဲ့လိုလူ ​ဘေးလ် ရမ်မာက က​လေးမ​လေး တစ်​ယောက်ကို ပြုစုပျိုး​​ထောင်မယ်?