(Unicode)
အပြင်မှာ ရာသီဥတုက ချမ်းစိမ့်စိမ့်ဖြစ်နေသော်လည်း ကလေးမလေး ဝတ်ထားတော့ ခပ်ပါပါး အဝတ်လေးရယ်ပင်။ ကလေးမလေး ဟာ ပိန်လွန်းသည့် အတွက် ဘေးလ်အမြင်မှာတော့ သံချောင်းတစ်ချောင်း သာသာ သာဖြစ်နေခဲ့သည်။ သူမ၏ သံပရာရောင် မျက်စံစိမ်းစိမ်းလေးများ၊ ရွေဝါရောင် ယှက်နွယ်နေတဲ့ အုံထူထူ လှိုင်းတွန့် ဆံသားလေးများဟာ ထင်ရှားလျက် ရှိနေသည်။
ဘေးလ် စိတ်ထဲ တစ်ခုကို သေချာသိနေသည်။ သူအနေနဲ့ ဒီကလေးမလေးကို ဘယ်လိုမှ တာဝန်ယူ စောင့်ရှောက့်နိုင်မည် မဟုတ်။
သို့သော်လည်း အဲ့လိုဆုံးဖြတ်လိုက်လျှင် ကလေးမလေးရဲ့ သွားစရာနေရာမှာ မိဘမဲ့ဂေဟာ ကလွဲရင် ကျန်တာသွားစရာမရှိ။ ဘေးလ် ထပ်ပြီး သူ့အမျိုးတွေကို သူ့ကို ဒီလိုအရှုပ်တွေထဲ ဆွဲထည့်လို့ စိတ်ထဲကကြိတ်ပြီး ဆဲဆိုလိုက်မိပြန်သည်။
ကလေးမလေးက အရိပ်အကဲ မြန်မြန်သိသူ ပီပီ ခန္ဓာကိုယ်ကို တချက်တွန့်လိုက်ပြီး သူမရဲ့ နီမြန်းနေတဲ့ နှုတ်ခမ်းသားလေးကို မသိမသာ ကိုက်လိုက်သည်။
"ငါ့နောက်လိုက်ခဲ့" ဘေးလ် စိတ်ရှုပ်ရှုပ်နဲ့ ခေါင်းကို ခါလိုက်ပြီး ကလေးမလေးကို ခေါ်သွားသည်။
"ဒီကိစ္စကို ဘာလုပ်ရမှန်း မဆုံးဖြတ်ခင် အရင်ဆုံး တစ်ခုခုစားကြတာပေါ့"
ညနေခင်း လေညင်းလေးက ဘေးလ်ရဲ့ ခပ်ပြတ်ပြတ် စကားများကို သယ်ဆောင်သွားသည်။ ကလေးမလေးရဲ့ တုန့်ဆုတ်ဆုတ် ခြေလှမ်းလေးများက တဖြည်းဖြည်း သွက်လာပြီး သူမ ပျော်ပျော်ပါးပါးနဲ့ ဘေးလ်ရဲ့ နောက်ကို လိုက်သွားခဲ့သည်။
=====================
"မင်း ဒီလောက်ပဲ စားနိုင်တာလား?"
ကလေးမလေးရဲ့ ပန်းကန်ထဲ ဘေးလ် မျက်မှောင်ကြုံ့ပြီး ကြည့်လိုက်သည်။
"ဟုတ်။ သမီးက နည်းနည်းပဲ စားနိုင်လို့ပါ" သူမ ယဥ်ယဥ်ကျေးကျေးလေး ပြန်ပြုံးပြသည်။
"ဒီမယ် ကလေးမ။ ငါက အစားနည်းနည်းပဲ စားနိုင်တဲ့ ကလေးတွေဆို ကြိုက်တာမဟုတ်ဘူး"
YOU ARE READING
မြို့စားမင်း၏ တေးဆိုငှက်ငယ်
Romantizm#fanstrans **All credits go to original Author-nim and english translators! (Unicode + Zawgyi) ဟာဟတ်(ဒ်) အိမ်တော်ရဲ့ အပြောင်မြောက်ဆုံး ရလဒ်၊ နိဗ္ဗာန်ဘုံသမျှ လှပသည်ဟု တင်စားရသော အားဗစ်မြို့၏ အရှင်သခင်၊ ငှက်လေးများကို အပျော်တမ်း အမည်းလိုက်တတ်သ...
