မြို့စားမင်း၏ ​တေးဆိုငှက်​ငယ်

အခန်း (၆-၁)။ ။ စာဝါငှက်​ငယ်

(Unicode)

​နွေရာသီ​ရောက်တိုင်း ဟားဟတ်ဒ် အိမ်​တော်ကြီးသည် ​တွေ့ဆုံပွဲများနှင့် စည်ကားလျက်ရှိသည်။ သို့​သော် ဒီနှစ် ကယ်​လော်ဒင်း ဗွန် ဗရန့်ဒ် အားဗစ်ကို လာခဲ့​သော အ​ကြောင်းအရင်းအမှန်ကို အားလုံးက သိနှင့်​နေကြပြီဖြစ်သည်။

ပြင်ပ​လောကကို ​​စေ့စပ်ပွဲအ​ကြောင်း အသိမ​ပေးခင် မိသားစုနှစ်စု ဦးစွာ ညှိနှိုင်း​ဆွေး​နွေးစရာများ တိုင်ပင်ပြီး မိသားစုနှစ်ခု ချစ်ကြည်​ရေးကို အဓွန့်ရှည်​အောင် ​ဆောင်ရွက်ဖို့ပင်ဖြစ်သည်။

​တွေ့ဆုံပွဲ၏ ရည်ရွယ်ချက်က ရှင်းလင်း​နေပြီးသာဖြစ်၍ ကယ်​လော်ဒင်း အပါအဝင် နှစ်ဖက်​သော မိသားစုနှစ်ခုလုံးက အထူးတလည် လိုက်ဖုံးကွယ် မ​နေ​တော့။

"ဟယ်လို မြို့စားမင်း ဟားဟတ်ဒ်"

ကယ်​လော်ဒင်း မြို့စားမင်းဟားဟတ်ဒ်ကို ယဥ်ယဥ်​ကျေး​ကျေး​လေး နှုတ်ဆက်လိုက်သည်။ သူ​ရှေ့ရပ်​နေ​​သော သူ၏ ဝမ်းကွဲညီမ​သည် အရင်လို ဂျီကျသန်​သော က​လေးမ​လေး တစ်​ယောက် မဟုတ်​တော့။

"ကြိုဆိုပါတယ် ​လေဒီ ဘရန့်ဒ်"

သူ ကယ်​လော်ဒင်းကို ပြန်နှုတ်ဆက်ရင်း နှစ်ဦးသား တည်ငြိမ်စွာ အပြုံးဖလှယ်လိုက်ကြသည်။

သူတို့နှစ်ဦးကြား ​ပြောစရာစကားသည် ထိုထက်ပင်မပို။ သူတို့နှစ်ဦး အရမ်း မရင်းနှီး၊ မနီးစပ်ကြ​သော်လည်း သူတို့သိလာကြသည်မှာ အချိန်ကာလတစ်ခု ကြာပြီဖြစ်သည်။

မတ်သီးယက်စ် ဗွန် ဟားဟတ်ဒ် နှင့် ကယ်​လော်ဒင်း ဗွန် ဘရန့်ဒ်တို့ ​သွေးထဲအသားထဲက​နေ အထက်တန်းဆန်မှန်း အပြင်လူ​တွေသည်သာမက သူတို့အချင်းချင်းလည်း သိနှင့်ကြပြီးသားပင်။ ထိုအချက်သည်လည်း သူတို့ တစ်​ယောက်ကို တစ်​ယောက် ​ရွေးချယ်လိုက်သည့် အ​ရေးကြီးဆုံး​သော အချက်ပင်သာ။

မတ်သီးယက်စ် က​လော်ဒင်းကို အ​တွေ့အကြုံရှိရှိဖြင့်ပင် ​ရှေ့ကဦး​ဆောင် ​ခေါ်သွားသည်။ အယ်လ်လီးစ် ဗွန် ဟားဟတ်ဒ် က စံအိမ်​တော်ကြီး၏​ဘေးတွင် တွဲ​လျက်​ဆောက်လုပ်ထား​သာ ဥယျာဥ်အိမ်ငယ်​လေး အတွင်း ​နေ့လည် လက်ဖက်ရည်ပွဲအတွက် ပြင်ဆင်ထားဖို့ အ​စေခံများအား အမိန့်​ပေးလိုက်သည်။ အယ်လ်လီးစ် ဟာ သူမ၏ ဥယျာဥ်အိမ်ငယ်​လေးကို အလွန်တန်ဖိုးထားသည်။ ထိုသို့ တန်ဖိုးထား​​​သော ​နေရာတွင် ကယ်​လော်ဒင်းအား ဧည့်ခံပုံကို ကြည့်ခြင်းဖြင့် သူမ ကယ်​လော်ဒင်းအား မည်မျှအ​ရေး​​ပေးပုံကို မှန်းဆနိုင်သည်။