မြို့စားမင်း၏ ​တေးဆိုငှက်​ငယ်

အခန်း (၄-၄)။ ။အချိန်ကာလတစ်ခု ကြာပြီးသည့်​နောက်

(Unicode)

​ဘေးလ်တစ်​ယောက် ​လေလာ​လေးကို သူ​ပျိုး​ထောင်ဖို့ မဖြစ်နိုင်ဘူး၊ သူမကို ဟိုနေရာ​လေးပို့မယ် ဒီ​နေရာ​လေးပို့​ပေးမယ် လို့ ​ပြော​နေခဲ့ရင်းနှင့်ပင် ယခုဆို ရက်​ပေါင်းများစွာ ကြာမြင့်ခဲ့ပြီ ဖြစ်သည်။ ​ရေစက်​ကြောင့်ပင် ဘယ်ကမှန်း​တောင် ​​သေချာမသိရတဲ့ ထိုချစ်စရာ​ကောင်းတဲ့ က​လေးမ​လေး သူ့ဆီ​​ရောက်လာခဲ့သည်။

​ဘေးလ် တစ်​ယောက် က​လေးမ​လေး သူ့ဆီဘယ်လို​ရောက်​လာမှန်း စဥ်းစား​နေရင်းနှင့်ပင် ယခုဆို လေလာလေးဟာ ​တော်​တော်ကြီးပြင်းလာပြီဖြစ်သည်။ သူမအတွက် ဝယ်​ပေးထား​သော  အင်္ကျီအသစ်​လေးများလည်း ခုဆို ​သေးငယ်သွားပြီဖြစ်သည်။

လေလာ ခဏ​နေဖို့​​ပေးထားတယ့် စတိုခန်း​လေးဟာလည်း ခု​တော့သူမ၏ ကိုယ်ပိုင်အခန်းငယ်​လေး ဖြစ်သွားပြီဖြစ်သည်။ အရင်ကစမ်း​ချောင်းကို သွားရာ​တောအုပ်က လမ်းသွယ်​လေးတစ်​လျှောက် ခုန်​ပေါက်​ပြေးလွှားသွားတတ်​သော အ​​ဆော့သန်သည့် ထိုက​လေးမ​လေးဟာ အခု​​တော့ ​​စမ်း​ချောင်း​ရေ​လေး ဆင်း​နေသဖွယ် ​ခြေလှမ်းများနှင့် အိ​န္ဒြေရှိရှိ ရင့်ကျက်တဲ့ မိန်းမပျို​လေး တစ်ဦးဖြစ်သွား​​လေပြီ။

ရက်စ်ဘယ်ရီသီးအပြည့်ထည့်ထား​​သော ဝက်သစ်ချရွက်​လေးများနှင့်ပြုလုပ်ထားသည့် ခြင်း​တောင်း​လေးကို ကိုင်ရင်း အ​ဝေးတစ်​နေရာမှ မိန်းမပျို​လေးက ​ဘေးလ်ကို လက်လှမ်းပြ​နေသည်။ ထိုအခါ အိမ်ပု​​လေး၏ အရိပ်​အောက်ရှိခုံတွင် ထိုင်​နေ​​သော ​ဘေးလ်က နားမလည်သည့်ဟန်ဖြင့်ကြည့်​နေသည်။

"ဦး​လေး ဒီ​နေ့ ​စော​စောပြန်​ရောက် ​နေတာပဲ!"

​လေလာဟာ သူ့ထံ က​နေသဖွယ် ​လျှောက်လှမ်းလာသည်။ သူမ ကျက်ဆံမြီးကျစ်​ထား​သော လှပသည့် ​ရွှေဝါ​ရောင် ဆံသား​လေးဟာ သူမ၏ မြက်​ခြောက်ဦးထုပ်​အောက်တွင် ပြန့်ဝဲ​နေသည်။ သူမ၏ ပါး​လေးနှစ်ဖက်က ​ဘေးလ် ​​လော​လောလတ်လတ် စိုက်ပျိုးထား​သော နှင်းဆီပန်း​လေးများသဖွယ် နီမြန်း​နေသည်။

"​တောအုပ်ဘက်က ပြန်လာတာလား?"

"ဟုတ်။ သမီး ခူးလာတာ​လေး​တွေ ကြည့်ပါအုံး၊ အများကြီးပဲ ဟုတ်"  ​လေလာ သူမ ခြင်းထဲက ခူးလာ​​​​​သော အသီးများကို ဂုဏ်ယူစွာဖြင့် ပြ​နေသည်။ "ရက်စ်ဘယ်ရီယို​လေး လုပ်ချင်​နေလို့ မနက်ဖြန်လည်း ထပ်သွားကြည့်အုံးမလားလို့ ​လေ"