(Unicode)
"ဒါလေးက ဦးလေး အတွက်"
လေလာ့ စကားကိုကြားလိုက်ရသည့်အခါ ဦးလေးဘေးလ်၏ မျက်ခုံးများ တွန့်သွားခဲ့သည်။
"ဒါ ဘာတုန်း"
"ရွှေအကြွေစေ့လေ ဦးလေး"
"ငါ အဲ့ဒါတော့ သိတာပေါ့!"
"အဲ့ဒါလေးက သမီးကို သခင်မလေး ကယ်လော်ဒင်း ပေးလိုက်တာ"
"ကယ်လော်ဒင်း? အော်... ဟို သခင်မလေးလား?" ဘေးလ်က ကယ်လော်ဒင်းကို သိသလိုနှင့် လေလာကို ခေါင်းညိတ်ပြလိုက်သည်။
စံအိမ်ထဲအခေါ်ခံရသော ထိုနေ့ကစပြီး နောက်နှစ်ရက်တိုင်တိုင် လေလာ တစ်ယောက် တက်ကြွမှုမရှိတော့။ သူမ ဘယ်သူနှင့်မှလည်း စကားသိပ်မပြောလို အရင်လို ပန်းခြံထဲ တောအုပ်ထဲ လမ်းလျှောက်တာတွေလည်း မရှိတော့။ ကလေးမလေးက တိတ်ဆိတ်ငြိမ်သက် သွားတဲ့အခါ သူမ ဘေးပတ်ဝန်းကျင်တစ်ခုလုံးလည်း တိတ်ဆိတ်ငြိမ်သက်သွားသည်။ ထိုအခါ ဘေးလ် ရမ်မာ တစ်ယောက် အခက်တွေ့လေပြီ။ တိတ်ဆိတ်နေသော ပတ်ဝန်းကျင်ဟာ သူနှင့် ဘယ်လိုမှ သဟဇာတ ဖြစ်မနေ။
"မင်း ဘာလို့ဦးလေးကို အဲ့ပိုက်ဆံပေးချင်ရတာလဲ?"
မေးခွန်းအမေးခံလိုက်ရသောအခါ လေလာ ထိုင်ခုံတွင် မတ်မတ်ထိုင်လိုက်သည်။ ထို့နောက် သူမ ဦးလေးဘေးလ်ဘက်လှည့်ပြီး "ဒါက အများကြီးအဖိုးတန်တယ် ထင်လို့ပါ"
"အဖိုးတန်တယ်?"
"...ဒါလေးကို စစရလိုက်တုန်းက သမီး နည်းနည်းတော့ ဝမ်းနည်းသလို ခံစားရပေမယ့် ဒါလေးက အဖိုးတန်တယ်ဆိုတာ သိလို့ လွှင့်လည်း မပစ်ချင်ဘူး။ ဒီတော့ ဒါလေးကို ဦးလေးပေးလိုက်ရင် ဦးလေး သမီးကိုကျွေးမွေးပြုစုထားတာတွေကို ကျေးဇူးဆပ်ပြီးသားလည်း ဖြစ်သွားတယ် ထင်လို့ပါ"
"ဟာကွာ!"
ဘေးလ် ဒေါသထွက်သွားတာကြောင့် လေ့လာ လန့်သွားသော်လည်း သူမအတွက် စိတ်ဆိုးပေးတာကို သိနေသဖြင့် ဦးလေးဘေးလ် ဆီက ရုတ်တရက်ထွက်လာ အဆဲစကားလုံးကို လေလာ ဗွေမယူနေတော့ပေ။
YOU ARE READING
မြို့စားမင်း၏ တေးဆိုငှက်ငယ်
Romance#fanstrans **All credits go to original Author-nim and english translators! (Unicode + Zawgyi) ဟာဟတ်(ဒ်) အိမ်တော်ရဲ့ အပြောင်မြောက်ဆုံး ရလဒ်၊ နိဗ္ဗာန်ဘုံသမျှ လှပသည်ဟု တင်စားရသော အားဗစ်မြို့၏ အရှင်သခင်၊ ငှက်လေးများကို အပျော်တမ်း အမည်းလိုက်တတ်သ...
