မြို့စားမင်း၏ ​တေးဆိုငှက်​ငယ်

အခန်း (၅-၃)။ ။မြို့စားမင်း၏ စိတ်​အ​​ပြောင်းအလဲ

(Unicode)

"အ​ဘွားအမြင်တော့ အားဗစ်မြို့ရဲ့ မြို့စားက​တော် ​နေရာအတွက်ဆို ကယ်​​​လော်ဒင်းက အသင့်​တော်ဆုံးပဲ"

အဘွားဖြစ်သူ၏ အမြင်ကိုလည်း မတ်သီးယက်စ် သ​ဘောတူလက်ခံခဲ့သည်။ အမှန်တကယ်ကိုပင် ကယ်​လော်ဒင်း ဗွန် ဘရန့်ဒ်ဟာ အပြစ်​ပြောဖွယ်ရာမရှိ​သော ဂုဏ်ဒြပ်​တွေနှင့်ပြည့်စုံ​​သော သတို့သမီး​လောင်း တစ်ဦးဖြစ်​နေသည်။

သို့​သော်လည်း သူမဟာ မတ်သီးယက်စ် အတွက် မဖြစ်​မ​နေတောင့်​နေ​သော ဆန္ဒတစ်ခု​တော့ မဟုတ်။

အရာအားလုံးဟာ သူကိုယ်တိုင်​တောင်မသိလိုက်ရခင်မှာပင် သူ့အတွက်​အ​ကောင်းဆုံး ဆိုသည်များကို ဖြစ်သွား​လေ့ရှိ​သော​ကြောင့် သူ့တွင် လိုချင်​တောင့်တမှုဆို​သော ခံစားမှုသည် သူ့အတွက်​တော့ စိတ်ကူးယဥ်မှု သက်သက် အဖြစ်ပစ်ပယ်လိုက်​​​လေ့ရှိသည်။

အိမ်​ထောင်​ရေးလည်း သူ့အတွက်​တော့ ထိုနည်းလည်း​ကောင်းပင်။

သူ့အမြင်​တွင်လည်း ကယ်​လော်ဒင်း ဗွန် ဘရန့်ဒ်ဟာ သူနှင့် အသင့်​​တော်ဆုံး​သူတစ်​ယောက်။ သင့်​​တော်လိုက်ဖတ်ညီ​နေတာနှင့်ပင် ကျန်​သောအရာ​တွေကို သူအထူးတလည် စဥ်းစားမ​နေ​​တော့။

ယှက်ဖြာကျလာ​သော ​နေ​ရောင်ခြည်ကို သူ​မော့ကြည့်လိုက်စဥ် သူ့အမြင်အာရုံ တချက်စူးသွားသည်။

ထိုစဥ် အ​​ဝေးတစ်​နေရာမှ ​အမည်မသိအမျိုးသမီး တစ်​ဦးကို မြင်လိုက်ရချိန် သူလမ်း​​လျှောက်တာ ​​ခေတ္တရပ်တန့်လိုက်သည်။

သူ့၏ အာရုံများကို ထိုအ​ဝေးတစ်​နေရာမှ စက်ဘီး​လေးနင်း၍ လာ​နေ​သော ထိုအမျိုးသမီး​လေးမှ ဆွဲ​ဆောင်သွားသည်။ သူမ၏ ​ရွှေဝါ​ရောင် လှိုင်းတွန့်ဆံသား​လေးက ​လေထဲဝဲ​နေလျက်။

သူလမ်းအနည်းငယ် ဖယ်​ပေးလိုက်ချိန် ထိုအမျိုးသမီး​လေးက သူ့ဘယ်ဘက်​နေရာက ဖြတ်သွားသည်။

"​လေလာ လီ​ဝေလ်လင်?"

ထိုအမျိုးသမီး​လေး သူမ၏ နာမည်​ခေါ်သံ ကြားလိုက်ရချိန် မတ်သီးယက်စ်ဘက် လှည့်ကြည့်လိုက်သည်။