မြို့စားမင်း၏ ​တေးဆိုငှက်​ငယ်

အခန်း (၇-၁)။ ။ထိုအရာထက် ​ကြောက်ဖို့​ကောင်း​သော တစ်စုံတစ်ရာ

(Unicode)

​လေလာ တစ်​ယောက် ထို​နေရာ၌ပင်သူမ ​ထင်​​ယောင်ထင်မှားများ ဖြစ်​နေသလားဆိုပြီး အကြာကြီး ​​​တွေး​တော​နေမိသည်။

​ထိုသို့ ​လေလာ ​တစ်ချက်တစ်ချက်​ကြောင်သွား တတ်သည်မှာ ခဏခဏပင်။

အားနည်း​သော သူမ၏အမြင်အာရုံ​ကြောင့် တခါတရံ သူမ နား​ကြွေကျလာ​သော အသီးကို ရှဥ့်​​လေးအဖြစ် မှားမြင်တတ်သည်။ တခါတ​လေ မြစ်​ချောင်းထဲ ​မြောပါလာ​သော သစ်ကိုင်း​ချောက်များကို လူများ​မြောပါသလားဆိုပြီး အလန့်တဖြန့် မြင်မိပြန်သည်။

သို့​သော် ဒီတစ်ခါတွင် ထိုမြစ်ထဲရှိ​နေသည်မှာ ​သေချာ​ပေါက်လူတစ်​ယောက်ပင် ဖြစ်လိမ့်မည်ဟု ​လေလာ ထင်လိုက်သည်။

ပြီး​တော့ ထိုသူဟာ အမျိုးသားတစ်​ယောက်။

အရပ်မြင့်မြင့်နှင့် အ​ပေါ်ပိုင်းအဝတ်ဗလာဖြစ်​နေသာ အမျိုးသားတစ်​ယောက်။

သူမ ​သေချာကြည့်​နေစဥ်တွင် အတွင်း ​ထိုသူ၏ အမည်း​ရောင်ဆံသားတို့ဟာ ​နေ​ရောင်​​ပြန်ဟပ်၍ တလက်လက် ​​​တောက်ပ​နေသည်။

ထိုအခါ ထိုမြစ်ထဲကသူသည် အမှန်တကယ်ကိုပင် မြို့စားမင်း ဟားဟတ်ဒ် ဖြစ်​နေမှန်း သူမ သိလိုက်ရသည်။

အလန့်တဖြန့် ​လေလာ သူမလက်ထဲ ကိုင်ထား​သော သတင်းစားကို ​ဘေးသို့ ပစ်ချလိုက်သည်။ ထိုအချိန် သူမသာ ​ဘေးက သစ်ကိုင်းကို မကိုင်ထားမိလျှင် ​သေချာ​ပေါက် ​မြေကြီး​ပေါ်သို့ သူမ​ရော သတင်းစာပါ ပြုတ်ကျသွားမည် ဖြစ်သည်။

'မျက်လုံးကို အချိန်ခဏ​လောက်ထိ စုံမှိတ်ထား။ မဟုတ်ဘူး ဖြစ်နိုင်ရင် ဒီ​တောအုပ်ထဲက အမြန်ဆုံးထွက်​ပြေး။  ဒါမှမဟုတ်လည်း အလန့်တကြား ​အော်လိုက်' ​လေလာ့၏ အတွင်းစိတ်က သူမကို နည်းလမ်းများ စသင်​ပေး​နေ​တော့သည်။

သို့​သော်လည်း ​တုန်လှုပ်သွား​သော ​လေလာလုပ်​နေသည်က ထိုအဝတ်ဗလာဖြစ်​နေ​သော  မြစ်ထဲက အမျိုးသမီးကို ​​​ကြောင်ကြည့်​နေရင်းသာ။

​သေချာ​ပေါက် ထိုသူဟာ ဟားဟတ်ဒ် မြို့စားမင်းပင်။ ထိုသူလည်း ​သူ၏အဝတ်ဗလာဖြစ်​နေ​သော ခန္ဓာကိုယ်ကို လူမြင်ခံရတာ ဂရုမစိုက်၊ ​ရေထဲတွင် ဆက်​​ဖော့ထားပြီး ​လေလာ့ကို ပြန်ကြည့်လိုက်သည်။