(Unicode)
အားဗစ်မြို့သို့ လွန်ခဲ့သော အပတ်က ပြန်ရောက်လာသော မတ်သီးယက်စ် တစ်ယောက် ဧည့်သည်များကို လက်ခံတွေ့ဆုံရင်း နှင့်ပင် တောအုပ်ကြီးနားသို့ ခြေဦးတောင် မလှည့်နိုင်ခဲ့။
သူပြန်ရောက်လာသော ရက်ကစပြီး အိမ်တော်ကြီးမှာ ဧည့်ခံပွဲများဖြင့် နေ့ရက်တိုင်းလိုလို စည်ကားနေသော်လည်း တောအုပ်ကြီးမှာပဲ ဆိတ်ငြိမ်လျက်ပင်။
ယခုဆို မကြာခင် အချိန်တွင်းမှာ နွေရာသီပင် ကုန်ဆုံးတော့မည်ဖြစ်သည်။ တောအုပ်ထဲတွင် ကိန်းဝပ်နေသော ငှက်ဥလေးများက မကြာခင် အချိန်တွင်း သားပေါက်လေးများ ပေါက်လာတော့မည်။ ထို့အတူ နွေရာသီဝင်စကထဲက ဖူးပွင့်ဖို့ အားယူနေခဲ့ကြသော နှင်းဆီဖူးလေးများကတော့ ခုတော့ ဝေတေဆာဆာ ဖူးပွင့်နေကြလေပြီ။ အပြောင်းအလဲ သေးသေးလေးလေးများကို လိုက်ကြည့်ရင်း လေလာ တစ်ယောက် တောအုပ်ထဲ ပျော်မြူးနေသည်။
"လေလာ အဝေးကြီး မသွားနဲ့အုံး!" နောက်က ဘေးလ်က လှမ်းအော်နေရှာသည်။
"ဟုတ်! သမီး စမ်းချောင်းလေးနားပဲ သွားပြီး ပြန်လာခဲ့မယ်နော် ဦးလေး!"
ပြောပြီး သည်နှင့် လေလာ တစ်ယောက် သူမ လက်နှစ်ကို လွတ်လပ်စွာ အပေါ်သို့ မြှောက်လျက် ဟောင်းနွမ်းနေသော သားရေအိတ်လေးလွယ်ပြီး တောအုပ်ထဲ ပြေးဝင်သွားတော့သည်။
သစ်ကိုင်းပေါ်ရှိ အသိုက်ထဲ ငှက်ဥလေးတွေ အကောင်ပေါက်တာကို ပထမဆုံး သိသူမှာ လေလာ ပင်။ အတောင်အမွှေး မရှိသေးသာ ငှက်ငယ်လေးများက အစာချီလာတတ်သော သူတို့၏ မိခင်ငှက်မကြီးကို စောင့်စားလျက်ရှိကြသည်။ သူမ သစ်ပင်ကြီးပေါ်မှ တစ်ဆင့်ဆင်းလိုက်ပြီး မနီးမဝေး သစ်ကိုင်းတစ်ခုပေါ် ထိုင်လျက်နေရာယူလိုက်သည်။ ထို့နောက် သူမ၏ သားရေအိတ်ထဲတွင် ပါလာသော စာရွက်ကြမ်းလေး တစ်ခုကို ထုတ်ပြီး ငှက်ပေါက်လေးတွေပုံကို ပန်းချီစခြစ်တော့သည်။ သူမ၏ ပန်းချီများမှာ ရှုပ်ပွနေတတ်ပေမယ့် ငှက်ပုံလေးတွေကိုတော့ အသေးစိတ်အချက်အလက်လေးများ ပါရန် လေလာ အမြဲဂရုစိုက်လေ့ရှိသည်။
YOU ARE READING
မြို့စားမင်း၏ တေးဆိုငှက်ငယ်
Romance#fanstrans **All credits go to original Author-nim and english translators! (Unicode + Zawgyi) ဟာဟတ်(ဒ်) အိမ်တော်ရဲ့ အပြောင်မြောက်ဆုံး ရလဒ်၊ နိဗ္ဗာန်ဘုံသမျှ လှပသည်ဟု တင်စားရသော အားဗစ်မြို့၏ အရှင်သခင်၊ ငှက်လေးများကို အပျော်တမ်း အမည်းလိုက်တတ်သ...