(Unicode)
ဘေးလ် တစ်ယောက် မိုနာ ညွှန်ပြတဲ့ဆီကို လှမ်းကြည့်လိုက်သည်။
လိုက်ဖမ်းနေတဲ့ ငှက်ကလေးက သစ်ကိုင်းပေါ် ပျံသွားလို့ လေလာ တစ်ယောက် အားရပါးရ ရှဥ့်လေးသဖွယ် သစ်ပင်ပေါ်သို့ တွယ်တက်နေခြင်းပင်။
"သူ သစ်ပင်တက်ရတာ ဝါသနာပါတဲ့ပုံပဲ"
ဘေးလ်က ပေါ့ပေါ့ပါးပါးပဲ ဖြေလိုက်သည်။
"ဘေးလ် ရမ်မာ!" မိုနာတစ်ယောက် ဘေးလ်ကို စဟောက်တော့သည်။
"သူ သစ်ပင်တွေ ဘာတွေ တွယ်တက်တတ်တာ သိပေမယ့် ဒီတိုင်းလွှတ်ထားတယ် ဟုတ်လား?! ကလေးကို ဘယ်လိုတွေ သင်ပေးနေတာတုန်း?!"
"ခင်ဗျားလည်း မြင်တာပဲ။ ကလေးမလေးက ကျန်းကျန်းမာမာ သန်သန်စွမ်းစွမ်းလေး လေ"
"ရှင်က မိန်းမငယ်လေးကို သားရဲတစ်ကောင် မွေးသလို မွေးနေတာပဲ! ဘုရား ကယ်ပါ!" မိုနာ တစ်ယောက် ပွစိပွစိ ပူပူညံညံ လုပ်ရင်း နောက်မှာ ကျန်နေခဲ့သည်။
ဘေးလ် ကတော့ လေလေး ချွန်ရင်း လေလာနား လျှောက်သွားသည်။ လေလာလေး သစ်ကိုင်းပေါ် ထိုင်ပြီး ငှက်လေးနဲ့ ဆော့နေတာ ဘေးလ် ရပ်ကြည့်နေမိခဲ့သည်။
ဒီလိုနဲ့ပင် လတွေကြာလာခဲ့သည်။ လေလာ လေးဟာ အရမ်းစူးစမ်းတတ်၊ လောကကြီးအကြောင်း အရမ်းသိချင်တဲ့ ကလေးမလေး ဆိုတာ ဘေးလ် သိလာခဲ့တယ်။ ပန်းလေးတွေနဲ့ မြက်ပင်တွေ အကြောင်း၊ ငှက်လေးတွေ ပိုးကောင်လေးတွေ အကြောင်း၊ ဘယ်အရာဖြစ်ဖြစ် သူမ သိချင်တဲ့ အရာဆိုရင် စူးစမ်းလိုစိတ်အပြည့်နဲ့ စပ်စုတတ်သည်။
တစ်ည လေလာ တစ်ယောက် ညနေစာစားတဲ့ အချိန်ထိ အိမ်ပြန်မရောက်လာခဲ့။ ထိုအခါ ဘေးလ် တစ်ယောက် တောအုပ်ထဲ ဝင်ပြီးလေလာကို ရှာခဲ့ရသည်။ သူမကို ရှာတွေ့ချိန် လေလာက စမ်းချောင်းလေး ဘေးမှာ ငုတ်တုပ်လေးထိုင်လျက် ရေထဲမှာ ကူးခပ်နေတဲ့ ငှက်အုပ် တစ်အုပ်ကို စူးစိုက်ပြီး ကြည့်နေခဲ့သည်။ သူမ အတွေးထဲ သူမ နစ်မြောရင်း ဘေးတွင် ဘေးလ်ရောက်လာတာတောင် သူမ သတိမမူမိခဲ့။ သူမ နာမည်ကို ဘေးလ် ထပ်ခါထပ်ခါ ခေါ်နေသော်လည်း လေလာက တော့ သူမ၏ အတွေး ကမ္ဘာထဲတွင်သာ ပျော်မွေ့နေခဲ့သည်။
YOU ARE READING
မြို့စားမင်း၏ တေးဆိုငှက်ငယ်
Romance#fanstrans **All credits go to original Author-nim and english translators! (Unicode + Zawgyi) ဟာဟတ်(ဒ်) အိမ်တော်ရဲ့ အပြောင်မြောက်ဆုံး ရလဒ်၊ နိဗ္ဗာန်ဘုံသမျှ လှပသည်ဟု တင်စားရသော အားဗစ်မြို့၏ အရှင်သခင်၊ ငှက်လေးများကို အပျော်တမ်း အမည်းလိုက်တတ်သ...
