(Unicode)
ကောင်းကင်ကြီး နှင်းဆီရောင်သန်းစပြုနေပြီ ဖြစ်သောအချိန်၌ လေလာ တစ်ယောက် စံအိမ်တော်ကြီးထဲမှ ထွက်လာခဲ့သည်။ သူမရှေ့တွင် နှင်းဆီခြံကြီးမှ သူမကို အားပေးနေသဖွယ် နွေးထွေးစွာ ကြိုဆိုလျက်ရှိသည်။
လေလာ သူမညာဘက်လက်ထဲတွင် ရလာသော အကြွေစေ့ကို တင်းတင်းကြပ်ဆုပ်ကိုင်ရင်း သူမကိုယ်သူမ ယုံကြည်မှု ရှိရှိ လမ်းလျှောက်လာသည်။ သို့သော် သူမ၏ ခပ်သွက်သွက် ခြေလှမ်းများက နှင်းဆီပွင့်များကြား လှပစွာဆောက်လုပ်ထားသော ဇရပ်ငယ်လေးတစ်ခုထဲ ရှိနေသော ကယ်လော်ဒင်းကို တွေ့လိုက်ရချိိန် ရပ်တန့်သွားခဲ့သည်။ အညိုရောင် ဆံပင်နှင့် ထိုကောင်မလေးသည် ထိုနေရာတွင် သူမ၏ ဝမ်းကွဲများနှင့် ပျော်ပျော်ရွှင်ရွှင် စကားပြောနေသည်။ ထိုစဥ် သူမ လေလာ့ကို တွေ့လိုက်ရသောအခါ နူးညံ့သော အပြုံးလေးနှင့် လှမ်းပြုံးပြသည်။
"နှုတ်ဆက်ပါတယ် လေလာ"
ကယ်လော်ဒင်းက ပဲ လေလာ့ကိုစပြီး နှုတ်ဆက်စကား ဆိုလိုက်သည်။ သူမ ဘေးနားထိုင်နေကြသော ကောင်လေးများက လေလာ့ကို လှမ်းကြည့်နေကြသည်။ ကံကောင်းစွာဖြင့် ထိုလူတွေထဲ မြို့စားမင်း ဟားဟတ်ဒ်တော့ ရှိမနေခဲ့။ လေလာ လည်းခပ်မြန်မြန်ပင် ဦးညွှတ်၍ ကယ်လော်ဒင်းဟာ နှုတ်ဆက်ခဲ့သော်လည်း ဒီတစ်ကြိမ်တွင် ကယ်လော်ဒင်း ဟာနှုတ်ဆိတ်နေခဲ့သည်။
သူတို့ကို ကျောခိုင်းပြီး သူတို့မြင်ကွင်းထဲက ပျောက်သွားသည့်အခါ လေလာ့ စပြေးတော့သည်။ သူမ နှင့် အစိမ်းသက်သက်ဖြစ်နေသော ထိုအသိုင်းအဝိုင်း ပတ်ဝန်းကျင်က အမြန်ပြေးထွက်ပြီး ဦးလေးဘေးလ်၏ အိမ်ပုလေးဆီပြန်ရောက်နိုင်ဖို့ သူမ ဘယ်လိုမှမစောင့်နိုင်တော့။ သို့သော်လည်း သူမ၏ ဆုတောင်းများ မပြည့်ခဲ့။
ပန်းခြံနားတစ်နေရာ လူလျှောက်လမ်းတွင် သူမ ချော်လဲကျသွားသည်။ သူမ လက်ထဲက အခြွေစေ့လေးလွတ်ကျသွားပြီး လျှောက်လမ်းတစ်လျှောက် လိပ်ဆင်းလျက် အမျိုးသားတစ်ဦး၏ ဖိနပ်နားတွင် ရပ်တန့်သွားခဲ့သည်။ လည်လျက်ရှိနေသော ထိုအကြွေစေ့လေးကို သူမ မျက်မှောင်ကြုံ့ကြည့်နေစဥ် ထိုလူမှ သူ၏ဖိနပ်ထိပ်ဖြင့် ထိုလည်နေသော အကြွေစေ့ကို ဖိချလိုက်သည်။
YOU ARE READING
မြို့စားမင်း၏ တေးဆိုငှက်ငယ်
Romance#fanstrans **All credits go to original Author-nim and english translators! (Unicode + Zawgyi) ဟာဟတ်(ဒ်) အိမ်တော်ရဲ့ အပြောင်မြောက်ဆုံး ရလဒ်၊ နိဗ္ဗာန်ဘုံသမျှ လှပသည်ဟု တင်စားရသော အားဗစ်မြို့၏ အရှင်သခင်၊ ငှက်လေးများကို အပျော်တမ်း အမည်းလိုက်တတ်သ...
