မြို့စားမင်း၏ ​တေးဆိုငှက်​ငယ်

အခန်း (၅-၁)။ ။မြို့စားမင်း၏ စိတ်​အ​​ပြောင်းအလဲ

(Unicode)

​ဂေးလ်လစ် အမျိုးသမီး​​ကျောင်း​​ရှေ့ ရပ်​နေ​​​သော ခိုင်းလ် အက်ဒ်မန်း တစ်​ယောက် တစ်စုံတစ်​ယောက်ကို ရပ်​စောင့်​နေသည်။

​ကျောင်းဆင်းလာ​သော ​ကျောင်းသူ​လေးများက သူ့ကို ​ကျောင်း​ရှေ့လမ်းမီးတိုင်များနှင့်ပင် တူသ​ယောင်​ယောင်ရှိ​နေပြီလို့  ကြည့်ရင်း မှတ်ချက်​ပေးကြသည်။

ထိုအချိန် ​ကျောင်း၏အ​ဝေးတစ်​နေရာမှ စက်ဘီး​လေး တွန်းပြီးထွက်လာ​သော အမျိုးသမီးငယ်​လေးကို ​တွေ့လိုက်ရ​သောအခါ ခိုင်းလ် တစ်​ယောက်တည်း ပြုံး​နေမိသည်။

တည်ငြိမ်ရင့်ကျက်စွာဖြင့် ကျက်သ​ရေရှိရှိ ​လျှောက်လှမ်းလာ ​ခြေလှမ်းများကို လှမ်းမြင်ရုံနှင့် သူမ ဘယ်သူဆိုတာ ခိုင်းလ် မှန်းဆလို့ ရ​နေသည်။

သို့​သော် သူမ၏ လမ်း​​လျှောက်ပုံ တစ်ခုထဲက သူမ ဘယ်သူမှန်း သိသာ​နေ​စေသည် မဟုတ်။ သိသာထင်ရှား​နေ​စေသည့် အချက်မှာ သိမ်​မွေ့​​သော အမူအရာရှိသည့် သူမ၏ ကိုယ်ခန္ဓာနှင့် တည်ငြိမ်​သော သူမ၏ မျက်နှာအ​နေအထား​လေး​တွေပင်။

ခိုင်းလ်တစ်​ယောက် သူမ၏ ဖြစ်တည်မှုအားလုံးကို မြတ်နိုးတန်ဖိုးထားမိသည်။

ဝက်သစ်ချပင်​ကြီး​အောက် သူတို့နှစ်​ယောက် စတင်​တွေ့ဆုံခဲ့ရသည့် ထို​နွေ​နေ့​လေး တစ်​နေ့ကစပြီး သူမလို မိန်းက​လေးမျိုး ခိုင်းလ်အတွက် ​​​နောက်တစ်​ယောက် မရှိနိုင်​တော့။

"​လေလာ!"

သူမ နာမည်ကို တစုံတ​ယောက် ​အော်​ခေါ်တာ ကြားလိုက်ရချိန် ​လေလာ ခပ်သွက်သွက်​လျှောက်လိုက်ပြီး သူမဆီ တည့်တည့်​ပြေးလာ​နေ​သော ​ကောင်​လေးကို ​မျက်​မှောင်ကြုံ့ ကြည့်လိုက်သည်။

ခိုင်းလ်လည်း သူမဆီ ခပ်သွက်သွက်​​လေး​ လျှောက်လာသည်။

ရပ်​နေသူမှာ ခိုင်းလ် မှန်း သူမ သိသွားချိန် ​လေလာ့ ​​ခြေလှမ်း​လေးများ ပို၍ပင်မြန်ဆန်လာခဲ့သည်။

သူတို့ နှစ်ဦးဆုံ​တွေ့ သွားသည့်အခါ သူမ ခိုင်းလ်ကို ချိုသာစွာ ပြုံးပြလိုက်သည်။