(Unicode)
"အဲ့ ကလေးမလေးလား? ဥယျာဥ်မှူးကြီး မွေးစားထားတဲ့ ကောင်မလေး ဆိုတာ?"
သခင်မ ဘရန့်ဒ် ပြတင်းပေါက်မှ ပန်းခြံဘက်ကို ကြည့်ရင်း မျက်မှန်နှင့် ကောင်မလေး တစ်ယောကို တွေ့လိုက်ရသည်။ သူမသည် ဥယျာဥ်မှူးကြီး ဘေးလ် နှင်းဆီပင်များ ပျိုးထောင်နေချိန် ဘေးမှ ကူညီပေးနေခြင်းဖြစ်သည်။ ပြတင်းပေါက်ဘောင် နားရပ်နေသော သခင်မ ဘရန့်ဒ်၏ နဖူးထက်မှ အရေးကြောင်းတို့မှာ နေရောင်အောက်တွင် အထင်းသားဖြစ်နေသည်။
"ဟုတ်တယ် မေမေ။ အဲ့ဒါသူပဲ... လေလာတဲ့"
ကယ်လော်ဒင်း တိုတိုနှင့် လိုရင်းပဲဖြေလိုက်သည်။ လေလာ့ကို မြင်ပြီး သခင်မ ဘရန့်ဒ်တစ်ယောက် အာရုံတွေ ထွေပြားနေသော်လည်း သူမကတော့ သူမထိုးလိုက်စ ပန်းကိုသာ ပိတ်စပေါ်တွင် တည်ငြိမ်စွာ ဆက်ထိုးနေခဲ့သည်။
သူမ ကျွမ်းကျင်စွာပန်းထိုးပြီး သည့်နောက် ပိတ်စပေါ် လှပသော နှင်းဆီ ပန်းပွင့်လေးများဟာ သေသပ်စွာရှိလို့နေသည်။
"သူက မိန်းမလှလေးပဲ။ နောက်ပိုင်း အသက်ရလာရင် ဒီ့ထက်တောင် ပိုလှလာအုံးမှာလို့ မေမေထင်တယ်"
"အဲ့ဒါက သမီးကို စိတ်မပူစေဘူးလား?"
"မေမေ ဘာကိုဆိုလိုချင်မှန်း သမီး နားလည်ပါတယ် မေမေ"
ကယ်လော်ဒင်း သူမ ထိုးလက်စပိတ်စကို စားပွဲခုံပေါ် တင်လိုက်သည်။ သခင်မ ဘရန့်ဒ်ကတော့ သူ့သမီးလေးကို စိုးရိမ်ပူပန်မှုများရှိနေသည့် မျက်နှာဖြင့်သာကြည့်ပြီး ပြုံးပြရှာသည်။
ကျန်းမာရေး ခြူခြာသော သူမတွင် ထိုသမီးလေး တစ်ယောက်ထဲသာ ရှိသည်။ ဘရန့်ဒ်အိမ်တော်၏ တစ်ဦးတည်းသော သမီး ကယ်လော်ဒင်း ဗွန် ဘရန့်ဒ်။ သူမသည်လည်း သူမရှေ့တွင် ကိုယ်ဝန်များစွာပျက်ပြီးမှ အဖတ်တင်လာသော သူမ၏ သမီးလေး။
သခင်မ ဘရန့်ဒ် သူမဘဝတစ်လျှောက်လုံး သိမ်ငယ်မှုများနှင့်သာ နေထိုင်လာခဲ့ရသည်။ ဘရန့်ဒ် အိမ်တော်၏ အမွေဆက်ခံသူ သားယောက်ျားလေး မမွေးဖွားပေးနိုင်ခဲ့သူမ သူမ၏ ခင်ပွန်းသူ့အပေါ်ထားသော အချစ်မေတ္တာများ ဘယ်နေ့ကုန်ဆုံးသွားလေ မလဲဆိုသော အကြောက်တရား၏ အရိပ်တွေ နေထိုင်ခဲ့ရသည်။
YOU ARE READING
မြို့စားမင်း၏ တေးဆိုငှက်ငယ်
عاطفية#fanstrans **All credits go to original Author-nim and english translators! (Unicode + Zawgyi) ဟာဟတ်(ဒ်) အိမ်တော်ရဲ့ အပြောင်မြောက်ဆုံး ရလဒ်၊ နိဗ္ဗာန်ဘုံသမျှ လှပသည်ဟု တင်စားရသော အားဗစ်မြို့၏ အရှင်သခင်၊ ငှက်လေးများကို အပျော်တမ်း အမည်းလိုက်တတ်သ...