လျှို့ဝှက်အိမ်ထောင်ရေး-ဇနီးသည်၏ခင်ပွန်းဖြစ်သူအားလုယူခြင်း (Book 1) Completed

part 88+89(လီကော်ပိုရေးရှင်းသို့ရောက်ခြင်း)

Unicode

လီကော်ပိုရေးရှင်း၏ အ၀င်တွင်ရပ်လျက် လီရှောင်လုသည် သူမအရမ်းကြိုးစားတည်ဆောက်ခဲ့သည့် ခမ်းနားထည်ဝါသော အဆောက်အဦးကြီးကို ရပ်ကြည့်နေခဲ့သော်လည်း အခြားသူများအား ပေးအပ်ခဲ့သည်။အခုတော့ ဒီကုမ္ပဏီကို တဖြေးဖြေးချင်း ပြန်ယူဖို့အချိန်ကျပြီ။

သူမရဲ့အဖေဖြစ်သူ လီယူဘင်ထံမှ ဖုန်းခေါ်ဆိုမှုကို လီရှောင်လုသတိရမိသည်။ပထမဆုံး သူနောက်ဆုံးအကြိမ် လီရိုလန်၏စကားအတွက် တောင်းပန်ခဲ့ပြီး ပရော့ဂျက်အသစ်အတွက် သူမကိုအကူအညီတောင်းရန် သူ့(လီယူဘင်)၏ချိုသာသောစကားလုံးများဖြင့် ပြောဆိုခဲ့သည်။

အစကတော့ လီရှောင်လုငြင်းရန်ဆုံးဖြတ်ခဲ့ပေမယ့် လက်ခံခဲ့သည်။ဇီဟန်နှင့်အတူ ချိုမြိန်သောမနက်စာကို အတူတူစားပြီးနောက် ဇီဟန်သည်ရုံးသို့ထွက်သွားပြီး အမယန်မီကတော့ ဟိုနေ့ကကိစ္စကြောင့် စိတ်အခြေအနေမကောင်းသောကြောင့် တစ်ရက်အနားယူခဲ့သည်။

သူမလည်း အခြားဘာမှလုပ်စရာမရှိသောကြောင့် လီကော်ပိုရေးရှင်းသို့သွားကာ ထိုနေရာ၌ အပျက်အဆီးတစ်ချို့ဖြစ်အောင် ဖန်တီးလိုက်ခြင်းဖြစ်သည်။လီရှောင်လုလည်း ဒါကိုတွေးပြီး အသက်ပြင်းပြင်းရှူလိုက်ပြီး အဆောက်အဦးထဲသို့ ၀င်သွားလိုက်တယ်။

ဓာတ်လှေကားထဲသို့ ဝင်လိုက်သည်နှင့် လူတိုင်းထံမှ တိတ်တဆိတ် တိုးတိုးလေးနှင့် မတူကွဲပြားသော အကြည့်များကို လျစ်လျူရှုကာ လီရီဖန်၏ ရုံးခန်းသို့ တိုက်ရိုက်သွားခဲ့သည်။တံခါးကိုခေါက်ရင်း လီရှောင်လုအဖြေကို မစောင့်ဘဲ အထဲကိုဝင်သွားလိုက်တယ်။

"၀င်ခဲ့ပါ-"လီရီဖန်က သူ့ရုံးခန်းကို ၀င်လာမည့်သူကို ခွင့်ပြုဖို့ပြောနေတုန်း လီရှောင်လုကိုမြင်လိုက်တော့ ခနရပ်လိုက်သည်။သူ့မျက်လုံးထဲတွင် ရှုပ်ထွေးသောအကြည့်များဖြင့် လီရှောင်လုကို ကြည့်နေ၏။
အခန်းထဲကိုဒီလို၀င်လာမယ်ဆိုလဲ ဘာလို့တံခါးခေါက်နေသေးတာလဲ??

လီရှောင်လုက သူ့မျက်နှာကိုကြည့်ပြီး "ဘာဖြစ်နေတာလဲ?ငါတံခါးခေါက်လိူက်ပေမယ့် နင်ပြန်ဖြေတာနောက်ကျသွားတာလေ..."လို့ပြောလိုက်၏။