CAFE 20 ( BL ) ONGOING

_12_

" උබ මේවා දාන්න ගත්තෙ කවදා ඉදන් ද "

ආයුෂ් ගෙ අතේ දබර ඇගිල්ල ටයි මැද ඇගිල්ල ටයි මැදි වුනු Belly Chain එක ඒ ඇගිලි දෙකෙන් ලාවට පිරිමදිද්දි සෝනු ගෙ නිදහස් අත ඉබේම ගිහින් තදවුනෙ ආයුෂ් ගෙ අනිත් අතේ හිරවෙලා තිබ්බ Ritz cherry brandy බෝතලයෙ මූඩිය හරියෙන්. පෙනහැල්ලෙ කොහේදො කොනක තිබ්බ අන්තිම හුස්ම පොදත් ඇදලා ගත්තා වගේ ලොකු හුස්මක් පහලට දාපු සෝනු තාමත් බලන් හිටියෙ අර මත් වෙච්ච ඇස් දිහා.
ඉස්සර ඉදන්ම සෝනු ආස වුනා Belly Chain එකක් දාන්න. ඒත් අනිත් කොල්ලො ඉස්සරහ Belly Chain එක පෙනෙයි කියලා බයටම සෝනු ඒ ආසාව පැත්තකට කරලා දාලා තිබ්බත් තමන් ගැන හංගපු එකම රහසත් ලගම ඉන්න පිරිස දැනගත්තට පස්සෙ සෝනු ලගදි ඕඩර් කරලා ගෙන්න ගත්ත chain එක ඊයේ බැදගත්තෙ ආයිත් දෙපාරක් හිතන්නේ නැතුව. ඒත් ඒකත් මේ විදියට ආයුෂ් දකිවී කියලා සෝනු හිතුවෙ නෑ. බෙලි චේන් එකක් දාන් ඉදලා ඒක අනිත් උන් දකිනවට සෝනු බය වුනා. ඇත්තටම තමන් ගෙ සමහර ආසාවන් එලියට හංගන්න සෝනු පුරුදු වුනෙ අදක ඊයෙක ඉදන් නෙවෙයි.

" කාමරේ ඇතුලෙ ලයිට් දාලා නෑ නේ. මුන් දෙන්නා කොහෙ ගිහින්ද "

තාමත් අදුර ගිලගෙන තිබ්බ කාමරේ දොර ගාවින් එලියෙ ඇහුනු කටහඩවල් දෙක තුනක් එක්ක කලබල වුනු සෝනු ආයුෂ් ව පිටිපස්සට තල්ලු කරලා දාම්මෙ අතේ බාගෙට පටලැවිලා තිබ්බ ටී ෂර්ට් එක කාමරේ දොර ඇරිලා ලයිට් එක ඔන් වෙන්න තත්පර අරික්කාලක් තියෙද්දි ඇගට දාගන්න සමත් වෙද්දි.

" මොකද යකෝ කරන්නෙ මේ කලුවරේ ලයිට්වත් නොදා "

ඇවිල්ලා හිටිය තුන්කට්ටුව පේලියට කාමරේ ඇතුලට ඇවිදන් එද්දි ඉස්සරහින් ම ආව දක්ෂිත් සෝනු තල්ලු කර පාරට විසිවෙලා ගිහින් බිත්තියට හේත්තු වෙලා ඉන්න ආයුෂ් දිහාත් බලාගෙන ඇස් බෝල දෙක චූටි කරගෙන එකසැරේ ම ආව එලියට ඇස් හුරු කරගන්න ට්‍රයි කරන සෝනු දිහාත් බලාගෙනම ඇතුලට ආවා. ඒ පිටිපස්සෙන් ආව දිමිත්‍ර රවිදු දෙන්නත් ඇවිත් පුරුදුකාරයො වගේ කාමරේ පැත්තක තිබ්බ ඇද උඩින් වාඩි වෙද්දි සෝනු පැත්තකට විසි කරලා දාපු කලින් ඇදන් හිටිය තෙත ටී එක අරන් ගිහින් රැක් එකෙ පැත්තකින් එල්ලුවා.