CAFE 20 ( BL ) ONGOING

_14_

" සී.....තලා....යි "

" කට කැඩෙනකම් කිව්වා අරුන් එක්ක කාර් එකේ පලයන් කියලා. උබට බයික් එකෙම එන්න ඕන වුනා නෙ "

නැවතිල්ලක් නැතුව කඩන් වැටෙන මුරුගසන් වැස්ස එක්ක සෝනු හිටියෙ තෙමිච්ච ගෙබි පැටියෙක් වගේ බයික් එක පිටිපස්සෙ වාඩිවෙලා ආයුෂ් ගෙ උරහිස් වල එල්ලිලා. කොල්ල ගෙ දත් ටික එකට වැදෙන ටක ටක සද්දෙ වැස්ස අස්සෙන් වුනත් ආයුෂ් ට පැහැදිලිවම ඇහෙනවා. හෙල්මට් එකේ ඉස්සරහ ස්ක්‍රීන් එකට වැදෙන වතුර පාර එක්ක පාර හරියට පේන්නෙත් නෑ. ආයුෂ් බයික් එක පාර පැත්තක තිබ්බ කඩයක් ඇතුළෙ වහලක් යටින් නතර කරලා බැස්සෙ  සෝනු ගෙ වෙව්ලන අත් දෙකට ආයුෂ් ගෙ ජැකට් එක තදට මිරිකිලා යද්දි
සෝනු ගෙ මූන රතුම රතු වෙලා ඇදන් ඉන්න ෂර්ට් එක වතුරින් දියවෙලා ම ගිහින්. උඩ ගලවන් හිටිය බොත්තම් ටික නිසා එලියට ඇරිලා තිබ්බ පපුව සම්පූර්ණයෙන්ම තෙමිලා ගිහිල්ලා.

" කෝ ඕක ගලවලා දාලා මේක දාගන්න "

" යමුකො අනේ "

" යන්න කලින් ඕක ගලවලා මේක ඇදගනින්කො. තෝ වෙව්ලනවා දාහට ඔහොම යන්න පුලුවන් ද. බලපන් පඩියා වගේ පැනගෙන ආවා අච්චර සිංහලෙන් කියද්දි.. තොගෙත් කට විතරයි. මෙන්න මේක ඇදගනින් "

වතුරට පෙගිලා තිබ්බ ෂර්ට් එක ආයුෂ් ගෙ අත් වලින් ගැලවිලා යද්දි සෝනු ඇබරිලා ගියෙ ඇගට ඇවිත් වැදුනු හුලං පොදට. එහෙම්ම ම ආයුෂ් දාගෙන හිටිය ලෙදර් ජැකට් එක ඇගෙන් පන්නලා සෝනු ගෙ ඇග වටින් දාලා බොත්තම් ටික පියෙව්වෙ ආයුෂ් ගෙ ඇග වැහෙන්න තිබ්බ එකම ෂර්ට් එකත් ගලවලා අරගෙන සෝනු ගෙ එලියට වැටිලා තිබ්බ ලේ පිරිච්ච අත් දෙක එකට මිටි කරලා රෝල් කරපු ෂර්ට් එකෙන් අත් දෙක ආවරණය කරලා දාද්දි.

" උබ තෙමෙයි නෙ "

" ආ..ආයුෂ් උබ තෙමෙයි බල්ලෝ"

" මන් තෙමුනා වගේ නෙවෙයි නෙ උබට හීතල ඇල්ලුවම. අන්තිමට මට නිමාලි ආන්ටි ට උත්තර බදින්න වෙයි උබව තෙමුනෙ කොහෙදිද කියලා "

ආයුෂ් ආයිත් බයික් එකට නැගලා ස්ටාර්ට් කරනවා විතරයි සෝනු ට හරියෙකට මතක තිබ්බෙ බයික් එක ගියා නෙවෙයි පියෑබුවා.