THE PERFECT HUSBAND (LEE BROTHERS #1)

Chapter 4. Engagement Party

✧FAITH ZEICAN LEE✧

ISANG buwan na kaming nasa dating stage ni Chloe. Sinamantala ko ang pagkakataong 'yon para kilalanin siya, and so far, I'm starting to like her. Why not? She's a sweet girl. Kung noong una ay kinakabahan pa ako kapag nakakaharap siya, ngayon ay naging panatag na ako dahil hindi siya mahirap pakisamahan. Magaan siyang kasama at marunong siyang bumuhat ng usapan kapag napapansin niyang natatahimik ako dahil may pagkamahiyain ako minsan.

Bulok ang source ni Tito Betlog na napag-alaman kong 'yong assistant niya, dahil may kaibigan daw ito na nagtatrabaho sa Herald company kaya nito iyon nasabi. Pero taliwas ang nasagap nilang balita sa nakita ko kay Chloe. She's kind and sweet.

Mayroong pagkakataon na may nadaanan kami sa lansangan, isang matandang namamalimos. Usually, kapag may nakikita akong pulubi, humihinto talaga ako para magbigay. Pero no'ng time na 'yon, tiniis kong hindi muna huminto dahil naalangan ako na baka hindi maging komportable si Chloe, given na sobrang sophisticated niya, habang 'yong matanda ay madungis at hindi maikakailang may kakaibang amoy. Pero nagulat ako nang kusa siyang huminto at nag-abot ng cash doon sa pulubi. That awe-struck me, really.

At sa isang buwan naming pag-da-date, wala pa akong nakita sa kaniya na nakaka-turned off. Buti na lang pinakinggan ko si daddy na bigyang pagkakataon si Chloe para kilalanin. Siguro kung ora-mismo akong umatras, baka ako pa ang magsisi na hindi ko siya nakilala.

Actually, last week ko pa sinabi kay Mom at Dad na payag na ako sa arranged marriage. Nang malaman 'yon ni Mommyla, nakipag-usap agad siya sa family ni Chloe para i-arrange na ang engagement namin. Kaya heto na kami ngayon, dito mismo sa bahay ng mga Herald. Hindi malaking party ang ini-arrange para sa amin. For family and close friends lang.

Now I stood by the large bay window, looking out at the beautifully manicured garden where lanterns hung from trees and fairy lights twinkled in the gathering dusk. The soft hum of conversation and laughter drifted in from the backyard, where our friends and family mingled, glasses of champagne in hand. The scent of roses and freshly cut grass wafted through the open French doors, blending with the tantalizing aroma of the catered hors d'oeuvres.

"You looked f*cking nervous, Faith." Lumingon ako nang marinig ko ang boses ni Love. Palapit siya sa 'kin, kabuntot niya si Hope at may bitbit din silang champagne glass.

"Bakit lonely is the night ka rito?" tanong ni Hope bago niya dalhin sa bibig ang hawak niyang champagne glass. Kani-kanina pa kasi ako rito. Matapos kong makipagkuwentuhan saglit sa parents ni Chloe, at matapos akong ipakilala ni Chloe sa ilang friends niya, nagdesisyon akong magsolo muna.

"Nangangawit na 'yong panga ko sa kasasalita para i-entertain ang mga bisita," pabirong sagot ko kay Hope. "Ikaw? Hindi ba nangangawit 'yang panga mo? Lahat na yata ng tao rito nagawa mong lapitan. Ano'ng tsismis ang nasagap mo ngayon?"

Natawa siya sa sinabi ko dahil totoo naman. Kanina nang dumating kami rito, bigla na lang siyang nawala sa tabi namin. Nang hanapin namin siya, natanaw namin siyang nakikipag-kamay na sa bawat bisitang nilalapitan niya, na akala mo ay politikong nangangandidato. Habang si Love naman ay nakabuntot lang kay Mom at Dad, at si Summer ay kasama si Tita Baby.

By the way, narito rin si Tito Betlog at Tita Wynter, maging ang mga anak nila; ang kambal niyang si Meng at Moy na sixteen years old na ngayon, at ang bunso nilang si Sunny, thirteen naman. Kahit gaano pa ka-busy si Tito Betlog, nakahanap pa rin siya ng time para sa engagement party ko. Pero sila-sila nila Mom at Dad ang magkakasama ngayon.

"Mamaya ko pa sana 'to sasabihin pag-uwi natin sa bahay, pero sige." Humakbang si Hope palapit sa 'kin at pati si Love ay inakbayan niya para kabigin palapit, tipong nag-iingat na walang makarinig sa sasabihin niya. "Narinig ko kanina ro'n sa isang madam na nilapitan ko, na mayro'n pa raw pa lang isang anak si Lucio at Jody Herald."