💕နှလုံးသားကိုချည်​တဲ့​နှောင်​ကြိုး💕 [ Completed ]

part .19 ( uni & zawgyi )

💛နှလုံးသားကိုချည်​တဲ့​နှောင်​ကြိုး💛

            အပိုင်း(၁၉)
         ~~~~~~~~

Room No.A-503...။
မင်္ဂလာဦးအိပ်​ခန်းကြီးအဖြစ်​လှပခမ်းနားစွာ
ပြင်​ဆင်​ထားတဲ့ဟိုတယ်​ခန်းရဲ့တံခါးကို
စစ်​...ခပ်​ဟဟဖွင့်လျက်​အထဲကိုလှမ်းကြည့်
လိုက်​တာနှင့်အဖြူ​ရောင်​ဂါဝန်​ကြီးနဲ့...
သတို့သမီး​လေးရဲ့ပုံရိပ်​​လေးကဆီးကြို​နေခဲ့၏...။
စစ်​...မျက်​လွှာချပြီးသက်​ပြင်းတစ်​ချက်​ကို
ရိူက်​လိုက်​သည်​။

"အဆင်​​ပြေသွားမှာပါ...စစ်​မက်​မဏ္ဍိုင်​
မင်းလုပ်​နိုင်​တယ်​...."

ဆုံးဖြတ်​ပြီးသားရည်​ရွယ်​ချက်​တစ်​ခု​အတွက်​
စစ်​ကိုယ့်ကိုယ်​အား​ပေးလိုက်​သည်​.....
ထို့​နောက်​မျက်​နှာကိုတမင်​တည်​ပစ်​လိုက်​ပြီး
တံခါးကိုတွန်းဖွင့်ကာအထဲကိုလှမ်းဝင်​လိုက်​၏...

"မင်းအဲ့မှာဘာထိုင်​လုပ်​​နေတာလဲ..တာဝတိံသာ"

တမင်​​အေးစက်​ထားတဲ့စစ်​ရဲ့အသံကိုကြားတာနှင့်
သူမက.ကပျာကယာ​လေးလှည့်ကြည့်လာပြီး၊

"ဦးစစ်​...."

​ခေါ်သံနှင့်အတူဂါဝန်​​လေးကိုမလျက်​
ထိုင်​​နေရာက​နေထရပ်​လာသည်​။

"ဦးစစ်​ရဲ့ဧည့်သည်​​တွေဟိုတယ်​ကပြန်​သွားပြီလား...."

"အင်း...မင်းအခုထိအဝတ်​အစားမလဲရ​သေးဘူးလား"

စစ်သူမ​နဲ့ခပ်​လှမ်းလှမ်းမှာ​ခြေစုံရပ်​လိုက်​ပြီး
လှမ်းမကြည့်ဘဲ​ပြောလိုက်​သည်​...ပြီး​တော့ဝတ်​ထားတဲ့
ရှပ်​အင်္ကျီကလက်​ကြယ်​သီးရင်​ဘတ်​ကြယ်​သီး​တွေကို
ဖြုတ်​ပစ်​ပြီး....ကုတင်​နားကို​လျောက်​လာကာ
​မွေ့ယာ​ပေါ်ဘုန်းခနဲပစ်​လှဲချလိုက်​သည်​။

"အား...ပင်​ပန်းလိုက်​တာကွာ....
ဘဝမှာတစ်​ခါ​လေးလက်​ထပ်​မိပါတယ်​....
အလုပ်​ရူပ်​လိုက်​တာလည်း​လွန်​ပါ​ရောလား...ဟူး...."

စိတ်​ပျက်​လက်​ပျက်​ပုံစံနှင့်ငြီးငြူရင်း
နဖူး​ပေါ်လက်​တင်​ပြီးမျက်​ဝန်း​တွေကိုဖိပိတ်​ကာ
အဖြူ​ရောင်​ဂါဝန်​​လေးနှင့်​ဘေးမှာရပ်​​နေတဲ့
သတို့သမီး​လေးကိုရှိသည်​ဟုသ​ဘောမထားပုံ
ဟန်​​ဆောင်​ထားရတဲ့ထိုခဏကတစ်​ကယ့်ကို
စိတ်​ပင်​ပန်းလွန်းလှသည်​။