💕နှလုံးသားကိုချည်​တဲ့​နှောင်​ကြိုး💕 [ Completed ]

part.50 ( uni & zawgyi )

💛နှလုံးသားကိုချည်တဲ့နှောင်ကြိုး💛

          အပိုင်း(၅၀)
      ~~~~~~~~~~

"ဒယ်ဒီ..မနက်ဖြန်ကျရင် အချစ်တို့ကို
ကစားကွင်းလိုက်ပို့...."

သားအဖသုံးယောက်ရဲ့ညစာထမင်းဝိုင်းလေးမှာ
အချစ်ကတောင်းဆိုလာသည်။

"မနက်ဖြန်..ဒယ်ဒီတို့ဖိုးဖိုးကြီးဆီသွားရမယ်လေ
သည်းငယ်ရဲ့ကစားကွင်းသွားလို့မရဘူး....."

"အင်း...ဒါဆိုမနက်ဖြန်ရဲ့နောက်နေ့ရော..."

"သန်ဘက်ခါလား...အင်း..ပို့ပေးမှာပေါ့
ကျောင်းကနှစ်ရက်တောင်ပိတ်တာပဲ..."

"ရေး...ဒါမှတို့ဒယ်ဒီကွ...."

နှစ်ယောက်သားလက်ဖဝါးချင်းရိုက်ပြီး
မြူးတူးစွာထအော်လိုက်တဲ့အမြွှာနှစ်ကောင်...
ခဏနေပြန်တော့ခေတ်ကအဖေဖြစ်သူကို
လှမ်းကြည့်လာပြန်ရင်း...။

"ဒယ်ဒီ...ခေတ်တို့ကမနက်ဖြန်ဒယ်ဒီ့ဘက်က
ဖိုးဖိုးကြီးဆီသွားမှာဆိုတော့...ဟိုအန်တီနဲ့ဖွားဖွားကိုလည်း
တွေ့ရမှာပေါ့....."

အလိုမကျသလိုမေးလာတဲ့ခေတ်ရဲပုံစံက
အသဲကျော်နဲ့ဒေါ်မာယာရင့်ကိုရည်ညွှန်းမှန်း
တန်းသိလိုက်၏....။

"အဟွန်း..ဘာလဲသည်းငယ်ကအဲ့ဒီ့နှစ်ယောက်ကို
သဘောမကျဘူးလား...."

"ဟင့်အင်း..မကျဘူး..အဲ့ဒီ့အန်တီနဲ့ဖွားဖွားကခင်ဖို့
မကောင်းဘူး..ဖိုးဖိုးကြီးရှေ့ကျရင်ခေတ်တို့ကို
ချစ်ဖို့ကောင်းတယ်လို့ပြောပြီး..နောက်ကွယ်မှာ
ခေတ်တို့ကိုအတင်းပြောတယ်...."

"ဟုတ်တယ်...အချစ်လည်း​သဘောမကျဘူး...
အဲဒ်ီဖွားဖွားကအချစ်တို့ကိုဒယ်ဒီနဲ့ဖိုးဖိုးကြီး
ကွယ်ရာရောက်ရင်အရမ်းကဲတာပဲလို့ပြောတယ်...."

ဒေါ်မာယာရင့်တို့သားအမိနှစ်ယောက်ပေါ်
မကျေနပ်သမျှအဖေလုပ်သူကိုတိုင်နေတဲ့
အမြွှာလေးတွေ....။

"သူတိုကိုဂရုစိုက်မနေနဲ့...ဒယ်ဒီ့သည်းငယ်
လေးတွေကိုစိတ်ညစ်အောင်လုပ်ရင်ဒယ်ဒီနဲ့
တွေ့သွားမှာပေါ့....ကဲပါ...ထမင်းကိုများများစားကြ
သည်းငယ်တို့ထမင်းစားပြီးရင်ဒယ်ဒီ...မာမီ့ဆီ
ဖုန်းခေါ်ပေးမယ်ဟုတ်ပြီလား....."