💕နှလုံးသားကိုချည်​တဲ့​နှောင်​ကြိုး💕 [ Completed ]

part.5 ( uni & zawgyi )

💛နှလုံးသားကိုချည်​တဲ့​နှောင်​ကြိုး💛

          အပိုင်း(၅)
      ~~~~~~~~~~

"ရှင်​...ရှင်​ဖြစ်​​နေပြန်​ပြီ....."

အလွန်​တရာထိတ်​လန့်အံ့ဩသွားဟန်​​လေးနှင့်
စစ်​ရင်​ဘတ်​ကိုတွန်းကန်​ပြီးသူမကအ​နောက်​ကို
ချက်​ချင်းဆုတ်​သွားသည်​​။

စစ်​...အီဆိမ့်သွားတဲ့ညိုသကျည်းက​ဝေဒနာ​ကြောင့်
ရူံ့မဲ့​နေတဲ့မျက်​နှာနှင့်​သူမကို​ဒေါသတကြီးကြည့်
လိုက်​မိလျှင်​...၊

"ဘယ်​လိုဖြစ်​ပြီး...ရှင်​ပဲထပ်​ဖြစ်​​နေရတာလဲ...."

မျက်​လုံးပြူး​လေးနှင့်မယုံနိုင်​သလို​မေးလာတဲ့
သူမ​ကြောင့်...စစ်​'ကျစ်​´ခနဲစုပ်​သပ်​လိုက်​မိရင်း....

"အဲ့ဒီ့စကားကငါ​ပြောရမှာမဟုတ်​ဘူးလား...ဟမ်​..."

နှစ်​​ယောက်​ကိုကြည့်ပြီး​ဘေးမှာရပ်​​နေတဲ့စိုင်းရန်​ကလဲ
ပါးစပ်​အ​ဟောင်းသား...ထိုအချိန်​ဓာတ်​​လှေကားက
အ​ပေါ်ကိုတက်​သွားခဲ့ပြီဖြစ်​သည်​။

"​နေစမ်းပါဦး...မင်းကဒီကုမ္မဏီကိုဘာလာလုပ်​တာလဲ..."

"ဝတိံကဒီကုမ္မဏီမှာဒီ​နေ့မှအလုပ်​စဝင်​တာပါ...
Stylist ဌာနကဒီဇိုင်​နာအဖြစ်​နဲ့ပါ...."

ဂုဏ်​ယူစွာဝင့်ကြွားသလို​လေး​ပြောလာတဲ့သူမကို
စစ်​,​ခြေဆုံး​ခေါင်းဆုံးတစ်​ချက်​ကြည့်မိရင်း....

"ဘာရယ်​...မင်းက​Stylistဌာနကဝန်​ထမ်းအသစ်​
ဟုတ်​လား...."

"ဟုတ်​...."

"သူတို့ကမင်းကိုအလုပ်​ခန့်ခဲ့တာလား...ကြည့်ရတာ
အင်​တာဗျူးကတာဝန်​ခံ​တွေအမြင်​မရှိကြဘူးနဲ့
တူတယ်​....."

"ဘာရှင့်...."

သူ့စကား​ကြောင့်ဝတိံစိတ်​တိုသလို​လေးဖြစ်​သွားရကာ
​အောက်​နူတ်​ခမ်း​လေးကိုသွားချွန်​ချွန်​နှင့်
ဖိကိုက်​လိုက်​ရင်း...၊

"ရှင်​က​ရောဒီကိုဘာလာလုပ်​တာလဲ....."

"ငါဒီကိုဘာလာလုပ်​တာလဲမ​ပြောခင်​.....
ဝန်​ထမ်းအသစ်​ဖြစ်​တဲ့မင်းကဘာလို့VIP
ဓာတ်​​လှေကားထဲ​ပြေးဝင်​လာတာလဲဆိုတာ
အရင်​​ပြော...VIPဓာတ်​​လှေကားက
ကုမ္မဏီရဲ့အထက်​လူကြီး​တွေပဲသုံးခွင့်ရှိတာမသိ
ဘူးလား...."