💕နှလုံးသားကိုချည်​တဲ့​နှောင်​ကြိုး💕 [ Completed ]

part.40 ( uni and zawgyi )

💛နှလုံးသားကိုချည်​တဲ့​နှောင်​ကြိုး💛

      အပိုင်း(၄၀)
   ~~~~~~~~

"တစ်​ကယ်​​သေချာလား...??"

"​သေချာတယ်​...."

"အတည်​​ပြော​နေတာလား??...."

"အင်း...."

တစ်ခွန်း​မေးတစ်​ခွန်း​ဖြေ​နေ​သော်​လည်း..သူက
ရှပ်​အင်္ကျီရဲ့လက်​ကြယ်​သီး​တွေကိုဖြုတ်​​နေတာ
ဝတိံကိုငဲ့လို့ပင်​မကြည့်.....၊

ဝတိံ​ခေါင်း​လေးဖွဖွကုတ်​လိုက်​မိသည်​။

"ဟို...ဦးစစ်​​ပြော​​တော့အလုပ်​​တွေများ​နေတယ်​ဆို.."

"ကိစ္စမရှိပါဘူးတစ်​ပတ်​ဆယ်​ရက်​ပဲဟာ...
​သေချာစဉ်းစားကြည့်ရင်​မင်းကိုဘယ်​လိုမှ
တစ်​​ယောက်​ထဲစိတ်​မချဘူး...."

"တစ်​​ယောက်​ထဲမဟုတ်​ပါဘူးဦးစစ်​ရဲ့
ဝတိံသူငယ်​ချင်း​တွေလည်း​ပါတဲ့ဟာပဲ...အဟင်း...."

ဝတိံသူမလွှတ်​မှာစိုး၍​စေရာပါတဲ့အ​ကြောင်း
အမှန်​အတိုင်းမ​ပြောထားမိတာမို့....
အခုရုတ်​တရပ်​ကြီးသူကပါခရီးစဉ်​ကို
လိုက်​မည်​​ဆိုသည့်အခါ​ခေါင်းနပမ်းကြီး​နေရသည်​။

ဒီအချိန်​မှ​စေရာပါခရီးစဉ်​မှာပါ​နေတယ်​လို့
သူ့ကိုဖွင့်​ပြောလိုက်​ရင်​သူဝတိံကိုစိတ်​ဆိုး
သွားမှာများလား?...ဒါမှမဟုတ်​အထင်​လွဲသွားမယ်​
ထင်​တယ်​...?

ဝတိံတစ်​​ယောက်​ထဲစိုးရိမ်​စိတ်​​တွေနှင့်
​စိတ်​ထဲမှာ​ယောက်​ယတ်​ခတ်​သွားရ​တော့
သူကဝတိံမျက်​နှာ​လေး​ရှေ့မှာလက်​တစ်​ချက်​
ယမ်းရင်း....၊

"​ဟေ့...ဘာ​တွေ​တွေး​နေတာလဲ....
ကိုယ်​​ပြောတာကြားလား...."

"ရှင်​...ဦးစစ်​ဘာ​ပြောလိုက်​တာလဲဟင်​..."

"ဪ...မင်းသူငယ်​ချင်း​တွေကအားလုံး
ဘယ်​နှစ်​​ယောက်​ပါမှာလဲလို့​မေး​တာ...."

စစ်​တမင်​​မေးလိုက်​​​တော့သူမမျက်​လုံး​လေး
ဝိုင်းသွားရင်းတံ​ထွေးအသာမျိုချသည်​။

"ဟို...ဆုမြတ်​ရယ်​၊နဒီရယ်​၊​ကေသာရယ်​၊ဘုန်းပြည့်ရယ်​
ပြီး​တော့...​စေ.​စေရာရယ်​....အားလုံး
၅​ယောက်​ပါ...."