မိန်းမတစ်ယောက်ရဲ့ဖွင့်ဟဝန်ခံချက် ထဲက ယုမော် ကို ငယ်ငယ် (၁၇-၁၈ လောက်) က တော်တော်ကြွေဖူးတယ်။ စဉ်းစားကြည့်၊ ပြင်သစ် လိုလည်းတတ်တယ်၊ သမိုင်းပညာရှင်၊ ပညာတတ် အကဲဒမစ် စကားလုံးကြီးတွေ သုံးတယ်၊ မာနလေးနဲ့ ဘာညာသာရကာပေါ့။
အခု ၂၇ နှစ်မှာပြန်ဖတ်တော့ "ဟင်" ခနဲ ဖြစ်သွား။
ကြိုက်စရာလို့လည်း မမြင်မိတော့ဘူး။ အဓိကကတော့ ဒီ ၁၀ နှစ်လောက်အတွင်းမှာ Inferior Complex ရှိတဲ့လူတွေကို အနီးကပ်တွေ့ခဲ့ရဖူးလို့လည်းပါမယ်။ မိန်းမတွေနဲ့ပတ်သက်ပြီး ပိုနားလည်ခံစား တတ်လာလို့လည်းပါမယ်။ ပြီးတော့ အခြေအနေချင်းကွာဟ တဲ့လူတွေက ဘယ်လို အချစ်နဲ့ဖြစ်ဖြစ် မဖြတ်ကျော်နိုင်မှာများတယ်ဆိုတာ သိလာတယ်။
သူတို့ အိမ်ထောင်ရေးမှာ သက်နှင်းအိမ် က ဆရာဝန် ဖြစ်နေပြီး ပိုက်ဆံပိုရှာနိုင်တဲ့လူဖြစ်နေတာက ယုမော် ကို အထိနာစေတယ်ဆိုတာ စိတ်ပျက်စရာကြီး။ သက်နှင်းအိမ် က ကိုယ်မကြိုက်ဆုံး ဂျူးရဲ့မိန်းမဇာတ်ကောင်ထဲ ပါတယ်။ ဒါပေမဲ့ ယုမော် ရဲ့ Inferior complex ကြီးကတော့ တအားကြောက်စရာကောင်းတယ်။ ဒါတောင် ယုမော်က ပညာတတ်နော်။ သာမန်ပါချီပါချက် ဘွဲ့ယူရုံလောက်မဟုတ်၊ စကားကြီးစကားကျယ်တွေ ပြောပြီး အတွေးအခေါ်ပိုင်းတွေလည်း ဆွေးနွေးနိုင်တဲ့သူ။ Ph.D. တက်မယ့်သူ။ အဲဒီလိုလူ
လည်း မိန်းမ က ပိုသာနေတော့ အငုံ့စိတ်နဲ့ ပတ်ရမ်းတာပဲ။ မဟာပုရိသဝါဒီ ဆိုတာ ဒါမျိုးပေါ့။
ဂျူးရဲ့ အမျိုးသားဇာတ်ကောင်တွေထဲမှာ ယုမော်
ရယ်၊ မြစ်တို့၏မာယာ ထဲက ဘဲ နှစ်ပွေရယ် (ကြာတော့သည်လည်း မောင့်စကားကတော့ ထည့်ကိုမပြောချင်တာ) က တကယ့် ပေထရီအာခီ အစစ်
တွေပဲ။ ဇာတ်လိုက်မဟုတ်ဘဲ ဖိုဝါဲဒီ ကြီးစိုးတာကကျတော့ ပင်လယ်နဲ့တူသော မိန်းမများထဲက ဦးမင်းခေါင်၊ ချစ်သူလား စံကားတစ်ပွင့်ထဲက ကိုသီဟ။ ချစ်သူ နှစ်အုပ်ထဲက နေသန် နဲ့ မင်းညို တို့ကကျတော့ အပေါ်က လူတွေလောက် မဆိုးသေး
တဲ့ Red Flag တွေပေါ့။ သူတို့ကျတော့ အတ္တကြီး
တာက ယောက်ျားမိန်းမ ဖြစ်မှုနဲ့မဆိုင်ဘဲ ဗီဇ လို
ဖြစ်နေတာ။
ဒါကတော့ တကယ် Random Thoughts ပါပဲ။
အသက်ကြီးလာတာ တအားသိသာတာ။
အားလုံးပဲ ကြည်သာအေးမြကြပါစေ။
YOU ARE READING
Random Thoughts on BOOKS
Non-Fictionဖတ်မိတဲ့ စာအုပ်တွေကို ဖတ်ညွှန်းရေးထားတဲ့အပြင် စိတ်ဝင်စားဖို့ကောင်းမယ်ထင်တာလေးတွေ လည်း မျှဝေချင်ပါတယ်။
